તહેવારોની વણજાર દરમિયાન લોકો વિવિધ મીઠાઈનો આનંદ માણતા હોય છે. તમે દિવાળી પર પરંપરાગત કલાકંદ મીઠાઈ અજમાવી શકો છો.
પનીર, ખોયા, દૂધ, ફુલ ક્રીમ, ખાંડ, એલચી પાવડર, કાજુ, બદામ, પિસ્તા, ઘી.
સૌપ્રથમ એક મોટા બાઉલમાં પનીર અને ખોયા કાઢીને સારી રીતે મેશ કરી લો.
હવે તેમાં ક્રીમ અને દૂધ ઉમેરી આ મિશ્રણને સારી રીતે મિક્સ કરો.
હવે એક કડાઈમાં ઘી ગરમ કરી તેમાં આ મિશ્રણ ઉમેરીને થોડીવાર પકાવો.
આ મિશ્રણમાંથી દૂધ બળીને સૂકાઈ જાય પછી તેમાં ખાંડ નાખીને ચમચા વડે મિક્સ કરો.
ખાંડ ઓગળી જાય અને મિશ્રણ શુષ્ક થઈ જાય પછી તેમાં એલચી પાવડર ઉમેરીને મિક્સ કરો.
હવે મિશ્રણને એક ટ્રે અથવા પ્લેટ કાઢીને ફેલાવો અને છરીની મદદથી બરફીના આકારમાં ટુકડા કરી લો.
તૈયાર કલાકંદની રેસીપી તમે તેને ફ્રીજમાં રાખી શકો છો અને એક અઠવાડિયા સુધી સર્વ કરી શકો છો.
રેસીપી ગમે તો લાઈક-શેર કરજો અને આવી અવનવી વાનગીઓ માટે ગુજરાતી જાગરણ વાંચતા રહો.