દાલ બાફલા મધ્યપ્રદેશની લોકપ્રિય વાનગી છે. તે રાજસ્થાનની દાલ બાટી અને બિહારની લિટ્ટી જેવી લાગે છે. લોટના બોલ બનાવીને પકાવામાં આવે છે, ત્યારબાદ દાળ સાથે બાફલા પીરસવામાં આવે છે. જો તમે ઇચ્છો તો, તમે પણ ઘરે આ વાનગી બનાવી શકો છો.
2 કપ લોટ, 1/4 કપ મકાઈનો લોટ, 1 ચમચી જીરું, 1/4 ચમચી અજમો,1 ચમચી મીઠું, 1/2 કપ ઘી, 1/2 કપ પાણી, દાળ બનાવવા માટે 1/2 ચમચી હળદર,1/2 કપ તુવેર દાળ,1 કપ પાણી,1/2 ચમચી હળદર, 1 ચમચી મીઠું, ટેમ્પરિંગ માટે : 1 ચમચી ઘી, 1/4 ચમચી હિંગ, 1/2 ચમચી સરસવ, 1 ચમચી લાલ મરચું પાવડર, 1/2 ચમચી ખાંડ, 3 ચમચી કોથમિર.
એક બાઉલમાં ઘઉંનો લોટ અને મકાઈનો લોટ લઈ તેમાં જીરું, અજમો અને મીઠું નાખીને મિક્સ કરો અને તેમાં ઘી ઉમેરો અને તેને સારી રીતે હલાવો.
હવે તેમાં પાણી ઉમેરીને લોટ તૈયાર કરીને નાના બોલ બનાવો.
હવે એક કડાઈમાં પાણી ગરમ કરો, તેમાં મીઠું અને હળદર ઉમેરો અને તેમાં આ બોલને કડાઈમાં નાખીને તેને ઉકળવા દો.
જ્યાં સુધી સારી રીતે રંધાય નહીં ત્યાં સુધી તેને પાકવા દો અને પછી પાણી કાઢી લો અને તેમને સૂકવવા દો.
હવે તેને એક ભઠ્ઠા પર અથવા સગળી પર 20 થી 30 મિનિટ માટે શેકી લો.
એક પેનમાં ઘી નાખી તેમાં હિંગ અને સરસવનો વઘાર કરી લો અને પછી લાલ મરચું પાવડર નાખ્યા બાદ દાળ ઉમેરો અને પકાવો.
હવે તેમાં ખાંડ અને કોથમિર નાખીને બરાબર મિક્સ કરી લો.
બાફલા પર ગરમાગરમ દાળ નાખી સર્વ કરો, રેસીપી ગમે તો લાઈક-શેર કરો અને આવી રેસીપી માટે ગુજરાતી જાગરણ વાંચતા રહો.