દહીં એક એવો ખાદ્ય પદાર્થ છે, જેનો ઉપયોગ નાસ્તામાં કે લંચમાં પણ કરી શકાય છે.તમે તેને પુલાવ ખીટડી,પરાઠા,ઉત્તપમ સાથે સર્વ કરી શકો છો.
જ્યારે તમે દહીં જમાવો ત્યારે તેના માટે હંમેશા તાજા અને પેશ્ચરાઇઝ્ડ દૂધનો ઉપયોગ કરો.વાસી દૂધનો ઉપયોગ કરવાથી દહીં ઝડપથી ખાટું થઈ જાય છે.
દહીં જમાવવા માટે પ્લાસ્ટિક કે સ્ટીલના વાસણોને બદલે માટીના વાસણોનો ઉપયોગ કરો.આમ કરવાથી દહીં ઝડપથી સેટ થાય છે અને લાંબા સમય સુધી તાજું રહે છે.
દહીંને જમાવવા માટે કરવાની પ્રક્રિયા માટે ઓરડાના તાપમાને કે થોડી ગરમ જગ્યાએ રાખવું શ્રેષ્ઠ છે, પરંતુ એકવાર તે સેટ થઈ જાય પછી તેને બહાર ન રાખો. તેને તરત જ ફ્રિજમાં સ્ટોર કરો. આમ કરવાથી દહીં ઝડપથી ખાટું નહીં થાય.
દહીં ઝડપથી ખાટું થવાનું એક મુખ્ય કારણ તેમાં બેક્ટેરિયાનું સંચય છે. તેથી,એકવાર તમે તેને સ્ટોર કરી લો, પછી ફરીથી એ વાસણને ખોલવાનો પ્રયાસ કરશો નહીં,કારણ કે જ્યારે પણ તમે તેને ખોલશો,ત્યારે તેમાં બેક્ટેરિયા વધશે.
દહીં સમયની સાથે પાણી છોડવા લાગે છે.તેથી એક વખત દહીંનો ઉપયોગ કર્યા બાદ બાકીના મલમલના કપડાને એક બાઉલમાં ફેલાવી દો અને તેમાં દહીં ઉમેરીને પાણીને સારી રીતે નિચોવી લો. હવે તેને ફ્રિજમાં રાખો.
દહીંને લાંબા સમય સુધી ફ્રેશ રાખવાનો બીજો રસ્તો એ છે કે તેને અન્ય કોઈપણ ખાદ્ય પદાર્થથી અલગ રાખવું. જેથી દહીં ખાટું નહીં થાય.