જે લોકોને વજન વધુ હોય તેને વજન ઘટાડવુંએ સૌથી મુશ્કેલ કાર્ય લાગે છે, જીમ ગયા વગર લોકો ઘરે ગરમ પાણી, મધ અને લીંબુ સાથે ગરમ પાણી, ગ્રીન ટી અને બીજા ઘણા ઉપાયો અપનાવે છે, આવા લોકોએ વજન ઘટાડવા માટે એકવાર તજનું પાણી ચોક્કસથી અજમાવવું જોઈએ. આવો જાણીએ આ પાણી કેવી રીતે તૈયાર કરવું જોઈએ અને તેનાથી આપણને શું ફાયદો થઈ શકે છે.
તજ એક એવો મસાલો છે જે દરેક ભારતીય રસોડામાં સરળતાથી ઉપલબ્ધ છે. શાકભાજીથી લઈને પુલાવ સુધીની દરેક વસ્તુમાં તે સ્વાદને બમણો કરે છે. તજમાં એન્ટીઓક્સીડેન્ટ્સ અને ઝિંક વિટામિન્સ જેવા ઘણા સંયોજનો હોય છે. તેમાં મેગ્નેશિયમ, કાર્બોહાઈડ્રેટ, પ્રોટીન, આયર્ન અને ફોસ્ફરસ હોય છે. જો તેનું નિયમિત સેવન કરવામાં આવે તો તમે રોગોને દૂર રાખી શકો છો. જો કે પેટની ચરબી ઓછી કરવા માટે તજનો ઉપયોગ કેવી રીતે કરવો ચાલો જાણીએ.
પાણી- એક થી દોઢ કપ, તજ પાવડર- 1-2 ચમચી, મધ- 1 ચમચી, લીંબુનો રસ- સ્વાદ મુજબ, કાળા મરી પાવડર- 1 ચમચી.
સૌ પ્રથમ એક પેનમાં પાણીને થોડું ગરમ કરો.
આ પાણીમાં તજ પાવડર નાખીને 1 થી 2 મિનિટ સુધી ગરમ કરો.
આ પાણીમાં કાળા મરીનો પાવડર નાખીને 20 સેકન્ડ માટે ઉકાળો.
હવે તેમાં મધ અને લીંબુનો રસ નાખીને બરાબર મિક્સ કરી લો.
આ પીણાને ગરણીની મદદથી ગાળી લો અને નવશેકુ થાય પછી પીવો.
અધ્યયનોએ જાહેર કર્યું છે કે તેનું સેવન કરવાથી મેટાબોલિઝમને વેગ આપવામાં મદદ મળે છે જેનાથી વજન ઘટે છે અને પેટની ચરબી ઝડપથી ઓછી થાય છે. તજના પાણીનું સેવન કરવાથી શરીરમાં થર્મોજેનેસિસનું ઉત્પાદન 20 ટકા ઓછું થાય છે જે કેલરી બર્ન કરવામાં મદદ કરે છે.
ઘણીવાર લોકો વજન ઘટાડવા માટે સવારે ખાલી પેટે પાણી પીવે છે પરંતુ આ પ્રક્રિયા ખૂબ જ ખોટી છે વજન ઘટાડવા માટે તજનું પાણી રાત્રે સૂવાના 1 કલાક પહેલા પીવું જોઈએ.
સ્વાસ્થ્ય સંબંધિત તમામ સમાચાર માટે ગુજરાતી જાગરણ વાંચતા રહો.