ઘરે બનાવેલ પનીરનો સ્વાદ ખૂબ જ ટેસ્ટી હોય છે. બજારમાં તો વધારે ચીઝ નાખવામાં આવે છે. જાણી લો ઘરે શુદ્ધ પનીર બનાવવાની રીત.
2 લીટર મલાઈદાર દૂધ,1 લીંબુ, 1-2 લીટર પાણી,સુતરાઉ કાપડ,પેન,1 ચપટી મીઠું, 2 કાચના બાઉલ.
પેનને ગેસ પર મૂકો તેમાં દૂધ નાખીને ધીમા તાપે ઉકળવા દો.ચમચા વદે હલાવતા રહો જેથી ઉફાણો આવીને જતુ ન રહે.
દૂધમાં ઉફાણો આવે એટલે એક ચપટી મીઠું નાખો અને થોડી વાર ઉકાળો.
હવે એક બાઉલમાં તોડું પાણી ગરમ કરો અને તેમાં લીંબુનો રસ કાઢો.
ઉફાણો આવેલા દૂધમાં આ રસ નાખો અને ધીમે-ધીમે ચમચા વડે હલાવતા રહો.
6 મિનિટ પછી જ્યારે દૂધ થોડું જાડુ અને ફાટવા લાગે એટલે ગેસ બંધ કરી દો.
એક નાના બાઉલમાં 1-2 લીટર પાણી નાખો અને બીજા મોટા બાઉલમાં સુતરાઉ કાપડ પહોળું કરીને તેમાં આ ફાટેલા દૂધને ગાળી લો.
સુતરાઉ કાપડની પોટલી વાળીને બાંધી લો, જેથી પાણી બધુ નીકળી જાય.
પનીરની પોટલીને પાણી વાળા બાઉલમાં ડૂબાળીને ધોઈ લો, આનાથી લીંબુની ખટાસ નીકળી જાશે.
પોટલીને પાણીમાંથી બહાર અને હલાવીને સારી રીતે નીચોવી નાખો જેથી તેમાં રહેલું પાણી નીકળી જાય.
પોટલીને કિચનના સ્લેબ પર રાખો અને ઉપર કોઈ વજન વાળી વસ્તુ અથવા લોખંડ વડે દબાવી રાખો.
આમ કરવાથી પનીરમાંથી બધુ પાણી નીકળી જાશે. તે આકારમાં આવી જશે. તેને 1-2 કલાક માટે ફ્રીજમાં રાખો.
રેસીપી સારી લાગે તો લાઈક-શેર કરો,આવી વધુ રેસીપી માટે ગુજરાતી જાગરણ વાંચતા રહો.