કાચા કેળાનું શાક અને ચિપ્સ તો તમે ટ્રાય કરી હશે, પરંતુ આજે અમે કાચા કેળાના કોફતા બનાવવાની રીત જણાવીશું.
કાચા કેળા, બટાકા, ડુંગળી, ટામેટા, લીલા મરચા, ચણાનો લોટ, મીઠું, તેલ, લાલ મરચું પાવડર, હળદર, આખું જીરું, ધાણા પાવડર, ગરમ મસાલો, આદુ-લસણની પેસ્ટ, લીલા ધાણા.
સૌ પ્રથમ કાચા કેળાને પાણીથી ધોઈને તેને બટાકાની સાથે કૂકરમાં મૂકીને 2 સીટી સુધી બાફી લો.
હવે બાફેલા બટાકા અને કેળાને છાલ ઉતારી એક બાઉલમાં મેશ કરી તેમાં ચણાનો લોટ, મીઠું, થોડી હળદર અને લાલ મરચું પાવડર નાખીને લોટ બાંધો.
હવે તેમાંથી નાના કોફતા બનાવો અને એક પેનમાં તેલ ગરમ કરી પછી તેમાં કોફતાને તળી લો.
હવે એક કડાઈમાં તેલ ગરમ કરી તેમાં જીરું, લીલા મરચાં, ડુંગળી ઉમેરો અને ફ્રાય કરો.
હવે તેમાં આદુ-લસણની પેસ્ટ, ટામેટા, મીઠું અને મસાલો ઉમેરીને મધ્યમ આંચ પર પકાવો.
હવે તેમાં જરૂર મુજબ પાણી, ગરમ મસાલો અને લીલા ધાણા નાખીને મિક્સ કરીને ઘટ્ટ ગ્રેવી થાય ત્યાં સુધી પકાવી લો.
તૈયાર છે કેળાના કોફતા તમે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.