આ એક હળવો નાસ્તો છે આ રેસીપી દરેક લોકોને પસંદ હોય છે પસંતુ તેને બનાવવામાં થોડો સમય લાગે છે તેથી આપણે મોટા ભાગે આ રેસીપીને બહાર જઈને ખાવાનું પસંદ કરીએ છીએ, ચાલો જાણીએ હોમ મેઈડ આલુ પફ બનાવવાની રીત વિશે.
મેંદાનો લોટ,મીઠું સ્વાદ અનુસાર,ઘી,પાણી જરૂર મુજબ,તેલ જરૂર મુજબ,જીરું,રાઈ,અજમો,હીંગ,આદુ,લીલા મરચા,બટેટા બાફેલા,હળદર પાવડર,વરિયાળી,મરચું પાવડર,ધાણા પાવડર,આમચૂરણ પાવડર,ચાટ મસાલો.
સૌ પ્રથમ એક બાઉલમાં મેંદાનો લોટ,મીઠું,ઘી અને પાણી ઉમેરીને મિક્સ કરી લો.
હવે થોડું થોડું પાણી ઉમેરતા જઈને લોટ બાંધી લો.
હવે એક પેનમાં તેલ ગરમ કરો અને તેમાં રાઈ-જીરું,વરિયાળી,હીંગ,લીલા મરચાના ટુકડા,આદુંની પેસ્ટ ઉમેરીને સાંતળી લો.
હવે તેમાં બાફેલા બટાકા,હળદર-મરચું-ધાણાજીરું,આમચૂરણ અને મીઠું ઉમેરીને મિક્સ કરી લો.
પફ માટેનું સ્ટફિંગ તૈયાર છે હવે તમે બાંધેલા લોટમાંથી રોટલીની જેમ વણી લો.
હવે રોટલીને ચપ્ચુની મદદથી ચોરસ ચાર ભાગ કરીને એક ઉપર એક એમ ચારેય ભાગને ઘી લગાવીને એકસાથે ફરીથી વણી લો.
હવે તેમાં આલૂનું સ્ટફિંગ ભરીને પફ જેમ તૈયાર કરી લો અને એક કડાઈમાં તેલ ગરમ કરીને પફને તળી લો.
તૈયાર છે હોમ મેઈડ આલૂ પફ તમે તેનો આનંદ માણી શકો છો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.