મોટાભાગના લોકો દરરોજ સવારે ઉઠીને તેમના ઘરની સફાઈ અને પૂજા કરે છે, આવી સ્થિતિમાં ઘરના મંદિરને સાફ રાખવું પણ ખૂબ જ મહત્વપૂર્ણ છે,તેથી અમે કેટલીક એવી ટિપ્સ જણાવવા જઈ રહ્યા છીએ જેનાથી તમારું મંદિર મિનિટોમાં સાફ થઈ જશે.
સૌથી પહેલા મંદિરમાં રાખેલી બધી વસ્તુઓ અને ભગવાનની મૂર્તિઓને ત્યાંથી બહાર કાઢો, આરસના પથ્થરથી બનેલા મંદિરને પાણી સોડા મિક્સ કરી સાફ કરો.
જો તમારું મંદિર લાકડાનું બનેલું છે, તો તેને સાફ કરવા માટે ઓલિવ ઓઈલ અને લીંબુના રસનો ઉપયોગ કરો, આ લાકડાને ચમક આપે છે.
પૂજા રૂમમાં લગાવેલ બોક્સને ખાલી કરીને સાફ કરો. આ પછી તેમાં રાખેલી વસ્તુઓમાંથી માત્ર જરૂરી વસ્તુઓને જ બોક્સમાં સેટ કરો.
લાંબા સમય સુધી સફાઈ ન થાય તો ભગવાનની મૂર્તિઓ પર ધૂળ જામી જાય છે તેને સાફ કરવા માટે ગંગાજળમાં લીંબુનો રસ નાખીને મૂર્તિઓને ઘસીને સાફ કરો.
પૂજા ગૃહમાં રાખવામાં આવેલ પિતળ અને તાંબાના વાસણોને સાફ કરવા માટે સૌથી પહેલા એક વાસણમાં ગરમ પાણી લો આ પછી વાસણોને તેમા પલાળી રાખો અને 30 મિનિટ પછી ધોઈ નાખો.
હવે અડધા કાપેલા લીંબુ પર મીઠું લગાવો અને તેનાથી વાસણોને સારી રીતે સાફ કરો, તમે લીંબુ અને સોડાના દ્રાવણથી પણ સાફ કરી શકો છો.
મંદિરના કપડા પરથી ડાઘ દૂર કરવા માટે ગરમ પાણીમાં લીંબુનો રસ અને વિનેગર નાખો,આ પછી કપડાને આમાં 30 મિનિટ સુધી પલાળી રાખો અને પછીતેને સાફ કરો.
આ ઉપાયોથી તમે તમારા ઘરના મંદિરને સરળતાથી સાફ કરી શકો છો, આવી વધુ સ્ટોરી માટે ગુજરાતી જાગરણ વાંચતા રહો.