તાંબાના વાસણનો ઉપયોગ કરવાના અનેક ફાયદા હોય છે. મોટાભાગે રસોઈ તો લોકો સ્ટીલ અથવા એલ્યુમિનિયમના વાસણોમાં જ બનાવે છે. જો કે આજે પણ કેટલાક કામોમાં તાંબાના વાસણનો ઉપયોગ થાય છે. તો ચાલો જાણીએ તાંબાના કાળા પડી ગયેલા વાસણોને સરળતાથી સાફ કરવાના કેટલાક ઘરગથ્થુ ઉપાયો વિશે.
તાંબાના વાસણને લીંબુના પાણી અને મીઠાથી ધોવાથી જે જલ્દી ચમકવા લાગે છે. લીંબુને અડધુ કાપીને તેના પર મીઠું ભભરાવ્યા બાદ તાંબાના વાસણને સાફ કરી જુઓ.
મીઠુ અને બેકિંગ સોડાને મિક્સ કરીને તાંબાના વાસણ સાફ કરવાથી વાસણ પર ચમક આવે છે. આ મિશ્રણના સ્ક્રબથી વાસણના કાળા ભાગ પર ઘસવાથી સ્પષ્ટ ફરક જોઈ શકાશે.
તાંબાના વાસણને ચમકાવવા માટે એકલો બેકિંગ સોડા કાફી છે. બેકિંગ સોડાને તાંબાના વાસણ પર સ્ક્રબ કરવાથી તેના પર ચમક દેખાવા લાગશે.
મીઠુ અને વિનેગારને તમે સારી રીતે મિક્સ કરી લો અને તેમાં લોટ મિક્સ કરીને તેની પેસ્ટ તૈયાર કરો. આ પેસ્ટની મદદથી સાફ કરવાથી તાંબાના વાસણ ચમકવા લાગશે.
આંબલી પણ તાંબાના વાસણને સાફ કરવામાં કારગર મનાય છે. એક કપ પાણીમાં આમલીને પલાળીને પણ મસળી નાંખો. હવે આ પાણીમાં સ્ક્રબર નાંખીને 2 મિનિટ છોડી દો. જે બાદ તાંબાના વાસણને ઘસીને સાફ કરવાથી ચમક આવશે.