રસોડાને તમે ગમે તેટલી વાર સાફ કરો પરંતુ તેમાં ગંદકી થઈ જ જાય છે. ક્યારેક રસોઈ બનાવતી વેળાએ તો ક્યારેક બીજા કામ કરતી વેળાએ આ ગંદકી થઈ જાય છે. તેને સાફ રાખવું એ મોટું કામ છે. અહીં અમે એવી ટિપ્સ જણાવીશું
રસોડામાં હંમેશા એક કપડું રાખો. રસોડામાં કંઈ નાનું અમથું ઢોળાઈ તો તરત કપડાથી સાફ કરી દો જેથી ગંદકી ફેલાશે નહીં.
કિચન સ્લબનો ઉપયોગ હંમેશા રસોઈ બનાવતી વેળાએ કરો. આ જગ્યાએ વસ્તુઓ ન રાખો જેથી તમારું રસોડું સાફ લાગશે.
કિચનને અલગ અલગ સેક્શનમાં વહેંચી દો. રસોઈ બનાવવામાં વપરાતી વસ્તુઓ અને રસોઈ બનાવવામાં ન વપરાતી વસ્તુઓ અલગ અલગ રાખો.
કચરાના ડબ્બામાં ખતરનાક બેક્ટરિયા હોય છે. તેની ગાર્બેજ બેગને દરરોજ બદલવી જોઈએ અથવા કચરા પેટીને રોજ સાફ કરવી જોઈએ.
ડિશવોશરને હંમેશા ખાલી રાખવું જોઈએ. તેમા પ્લેટો વધી જવાથી રસોડું ગંદુ થાય છે. તેથી આ કામ પહેલા કરવું.
રસોડાને સાફ રાખવા માટે નીચે પડેલી વસ્તુઓને તરત સાફ કરો. નહિંતર તેના પર ચાલવાથી બીજી જગ્યા પણ બગડશે.
ડોઅરમાં શેલ્ફ લાઈનર્સ લગાવો. તેનાથી સફાઈ કરવામાં સરળતા રહે છે.