ઘણા લોકો ઉતાવળમાં બ્રશ કરતા હોય છે, અને સમયસર બ્રશ નથી કરતા તેથી દાંતમાં પીળાશ આવી જતી હોય છે. આ માટે આપણે જાણીશું કેટલાક ઘરેલૂ ઉપચાર જે તમારા દાંતની ચમક પાછી લાવશે.
નારીયેળના તેલથી ઓઈલ પુલીંગ કરી તમારા સવારની શરુઆત કરો, મોંઢામા તેલ લઈને તેના 15 મિનીટ સુધી કોગળા કરો. આ કરવાથી તમારા દાંતમા જામેલી ગંદકી અને ડાઘ દૂર થાય છે, અને તેની ચમક ફરી પાછી લાવી શકાય છે.
એક્ટીવેટ ચારકોલથી બ્રશ કરવાથી દાંતમા રહેલા ઝેરી તત્વો અને ડાઘ દૂર થાય છે અને તમારા દાંત સફેદ દેખાય છે. આને વારંવાર ઉપયોગમાં ના લેવુ તેનાથી દાંતનું ઈનેમલ ઘસાઈ જવાની સંભાવના છે.
લીંબુ અને બેંકીગ સોડાને મેળવીને એક પેસ્ટ બનાવી લો અને તેને દાંત પર ઘસીને 1 મિનીટ સુધી રહેવા દો.
ડાઘ દૂર કરવા અને બેક્ટેરીયાને નાશ કરવા એપલ સિડેર વિનેગરના કોગળા કરવા. આને વારેવારે કરવાથી દાંતનું ઈનેમલ પણ ઘસાય છે.