દાડમનું જ્યૂસ પીવાથી શરીરમાં એનર્જી જળવાઈ રહે છે અને તે આળસને દૂર ભગાડે છે. દાડમમાં વિટામિન સી, ઈ અને કે પુષ્કળ પ્રમાણમાં મળી આવે છે, જે બ્લડ પ્રેશરને પણ કંટ્રોલમાં રાખે છે.
હર્બલ ટી એન્ટી ઓક્સિડેન્ટથી ભરપુર હોય છે. આથી તેનું સેવન કરવાથી આળસ નથી આવતી. હોમમેડ હર્બલ ટી બનાવવા માટે ગરમ પાણીમાં આદુ, હળદર અને ઈલાયચીને મિક્સ કરી દો. હવે દરરોજ સવારે તેનું સેવન કરવું જોઈએ.
નારિયેળ પાણીને એનર્જીનો ઉત્તમ સોર્સ માનવામાં આવે છે. જેમાં એન્ટી ઓક્સિડેન્ટ, અમિનો એસિડ અને વિટામિન-સી જેવા પોષક તત્વો મળી આવે છે. જે આળસને દૂર કરીને શરીરમાં એનર્જી જાળવી રાખે છે.
કેળામાં પોટેશિયમ જેવા અનેક મિનરલ્સ મળી આવે છે. સવારના સમયે તેનું સેવન કરવાથી આખો દિવસ એનર્જેટિક રહે છે અને આળસ નથી આવતી. કેળાના મિલ્ક શેકને બનાવવા માટે દૂધમાં કેળા, બદામ સહિત અન્ય ડ્રાય ફ્રૂટ્સ મિક્સ કરી દો અને દરરોજ સવારે તેનું સેવન કરો.
લેમન મિન્ટ ડ્રિન્ક શરીરમાંથી આળસ દૂર કરવા ઉપરાંત સ્ટ્રેસ લેવલને પણ કંટ્રોલમાં રાખે છે. આ ડ્રિન્ક એનર્જી બૂસ્ટર તરીકે સારું કામ કરે છે.