નાક પર બ્લેકહેડ્સ ચહેરાના દેખાવને ખરાબ કરે છે. આ બ્લેકહેડ્સ, તેલ, ગંદકી અને મૃત ત્વચાના કોષોના જમા થવાથી બને છે. આવો જાણીએ 5 અસરકારક ઉપાય જે તેને દૂર કરવામાં મદદ કરશે
મધ એ કુદરતી એન્ટીબેક્ટેરિયલ એજન્ટ છે. મધ સાથે ઈંડાને મિક્સ કરીને નાક પર લગાવી તેને 15-20 મિનિટ સુધી સુકાવી દો અને હૂંફાળા પાણીથી ધોઈ લો.
ખાંડ એ સારું એક્સફોલિએટર છે, જે તમારી ત્વચાની ઉપરની મૃત કોષોને દૂર કરવા માટે ઉપયોગી છે. મધ સાથે તેને મિકસ કરીને 10 મિનિટ માટે નાક પર હળવેથી સ્ક્રબ કરો. આ ઉપાય ત્વચાને નરમ બનાવે છે અને બ્લેકહેડ્સને દૂર કરે છે.
ખાવાનો સોડા ત્વચામાંથી તેલ અને ગંદકીને બહાર કાઢે છે. બે ચમચી પાણીમાં એક ચમચી ખાવાનો સોડા મિકસ કરી તેને 15-20 મિનિટ માટે નાક પર લગાવો. આ પેસ્ટ નાકને જલદી સોફ્ટ બનાવશે અને બ્લેકહેડ્સને દૂર કરશે
લીંબુના રસમાં ખાંડ મિકસ કરીને નાક પર સ્ક્રબ કરો. આ ઉપાય બ્લેકહેડ્સને બહાર કાઢે છે. 10 મિનિટ પછી તેને હૂંફાળા પાણીથી ધોઈ લો.
હળદર એન્ટી-સેપ્ટિક ગુણ ધરાવે છે અને નારિયેળ તેલ ત્વચાને મોઇસ્ચરાઇઝ કરે છે. આ મિક્ષરને 10-15 મિનિટ માટે નાક પર રાખો. તે બ્લેકહેડ્સને દૂર કરી નાકને ચમક આપે છે.
આ ઉપાય અઠવાડિયામાં એક-બે વાર અજમાવો અને બ્લેકહેડ્સને ગાયબ કરો!