પ્રદૂષણને કારણે લોકોમાં ગળા પકડાઈ જવાની સમસ્યા જોવા મળે છે. તેવામાં ગળામાં દુખાવો પણ થાય છે. જો તમે પણ ગળા પકડાઈ જવાની સમસ્યાનો સામનો કરી રહ્યા છો તો આ ઘરેલુ ઉપાય અજમાવો.
ગળામાં દુખાવા તથા સોજા જેવી સમસ્યાઓથી બચવા માટે આદુ વાળી ચા પી શકો છો. આ ઉપરાંત તમે નાના નાના આદુનાં ટુકડા કરી તેને પાણી સાથે ઉકાળી પી શકો છો.
જણાવી દઈએ કે ગળામાં દુખાવો થાય ત્યારે તમે નવસેકા પાણીમાં મીઠું નાખીને પી શકો છો. જો તમારુ ગળુ અંદરથી છોલાઈ ગયું છે તો તમે માત્ર ગરમ પાણીના કોગળા કરી શકો છો.
જ્યારે પણ ગળામાં દુખાવો થાય તો ઠંડુ પાણી પીવાથી બચવુ જોઈએ. તે સમયે ગરમ પાણી પીવું હિતાવહ છે. ગરમ પાણી પીવાથી ચેપનું જોખમ ઘટે છે.
મધમાં એંટીબાયોટીક ગુણો હોય છે. આ શરદી ખાંસી જેવી સમસ્યાને દૂર રાખે છે. મધ ખાવાથી ગળામાં ખરાશ, દુખાવા તથા સોજાની સમસ્યામાં રાહત મળે છે.