શાકથી લઈને ઘણી વાનગીઓ બનાવતી વખતે કોથમીરનો ઉપયોગ કરવામા આવે છે. કોથમીરના બીજ તથા પાઉડરને રસોડામા રોજ ઉપયોગ કરવામા આવે છે.
કોથમીરનો ઉપયોગ દરેક લોકો કરે છે, પરંતુ તેનાથી સ્વાસ્થ્ય સંબધિત મળતા ફાયદા વિશે ખૂબ જ ઓછા લોકો જાણતા હોય છે.
વિટામિન એથી ભરપૂર કોથમીરનુ સેવન કરવાથી આંખોની રોશની તેજ બને છે. ડાયટમા તેને સામેલ કરવાથી આંખોમા થતો દુખાવો ઓછો થાય છે.
કોથમીર શરીરને પોષણ આપવાનુ કામ કરે છે. કોથમીરમા કેલ્શિયમ, વિટામિન સી, પોટેશિયમ જેવા પોષકતત્વો રહેલા હોય છે.
કોથમીર ખાવાથી શરીરની રોગપ્રતિકારક શક્તિમા વધારો થાય છે. કોથમીરમા રહેલી વિટામિન સીની હાજરી શરીરને અનેક બીમારીઓથી બચાવે છે.
જે લોકોને પાચન સંબધિત સમસ્યા છે, તે લોકોએ કોથમીરનુ સેવન જરુરથી કરવુ જોઈએ. તેના સેવનથી પાચન સંબધિત સમસ્યા જેવી કે ગેસ, અપચો, કબજિયાત દૂર થાય છે.
કોથમીરનુ સેવન કરવાથી શરીરમા બ્લડશુગરને પણ કંટ્રોલ કરી શકાય છે. જો તમે રોજ કોથમીરનુ સેવન કરો છો તો ડાયાબિટીસનુ જોખમ ઓછુ થાય છે.
કોથમીર ખાવાની સરળ રીત એ છે કે તેને દાળ અને શાકભાજીમા નાખીને ખાઓ. આ ઉપરાંત કોથમીરની ચટણી બનાવીને પણ ખાઈ શકો છો.