આંખના સ્વાસ્થ્ય માટે એક મુઠ્ઠી મગફળીનું નિયમિત સેવન ખૂબ જ ફાયદેમંદ હોય છે. જેમાં વિટામિન ઈ અને જિંક પૂરતા પ્રમાણમાં હોય છે, જે આંખો માટે લાભદાયી નીવડે છે.
એક મુઠ્ઠી મગફળીમાં પુરતા પ્રમાણમાં કેલ્શિયમ અને ફોસ્ફરસ મળી આવે છે. જેના કારણે મગફળીનું નિયમિત સેવન કરવાથી તમારા હાડકા મજબૂત બની શકે છે.
મગફળીમાં કાર્ડિયોપ્રોટેક્ટિવ ગુણ રહેલા હોય છે, જે હાર્ટ સબંધી અનેક સમસ્યા ઓછી કરવામાં મદદ મળી શકે છે. દરરોજ એક મુઠ્ઠી મગફળીનું સેવન હાર્ટને સ્વસ્થ રાખવામાં મદદરૂપ થાય છે.
મગફળીમાં જે ગુણ રહેલા હોય છે, તે ફ્લૂ અથવા કૉમન કોલ્ડના કારણે ગળામાં થનારી સમસ્યાથી આરામ અપાવી શકે છે.
મગફળીમાં એન્ટીસ્ટ્રેસ એજન્ટ હોય છે, જે સ્ટ્રેસથી આરામ અપાવી શકે છે. એક મુઠ્ઠી મગફળીનું નિયમિત સેવન કરવાથી યાદશક્તિ સુધરે છે.
શરીરની બીમારીઓથી લડવાની ક્ષમતા સુધારવા માટે દરરોજ એક મુઠ્ઠી મગફળીનું સેવન કરવું ફાયદેમંદ થઈ શકે છે. જેમાં રહેલ ઈમ્યૂનોમોડ્યૂલેટરી ગુણ શરીરને સ્વસ્થ રાખે છે.