આદુ જ્યારે સુકાઈ જાય છે ત્યારે તેને સુકું આદુ અથવા સૂંઠ તરીકે ઓળખવામાં આવે છે. સૂંઠને સ્વાસ્થ્ય માટે ખૂબ જ સારી માનવામાં આવે છે. સૂંઠનું સેવન ચા, કોફી તથા દૂધ સાથે કરવામાં આવે છે.
સૂંઠમાં ઘણા પોષકતત્વો જોવા મળે છે. તેમાં મેગ્નેશિયમ, કેલ્શિયમ, ફોલિક એસિડ, આયરન ,વિટામીન એ , વિટામીન સી જેવા ગુણો રહેલા હોય છે.
સૂંઠનું પાણીનું પાણી પીવાથી શરીરને અનેક ફાયદા મળે છે. સૂંઠનું પાણી ઘણી બિમારીઓથી બચાવે છે. ડો. રીતુ ચડ્ડાએ તેનાથી થતા ફાયદા વિશે જણાયું
સૂંઠનું પાણી પીવાથી શરીરમાં રોગપ્રતિકારક શક્તિમાં વધારો થાય છે. તેમાં રહેલા ગુણો વિવિધ સીઝનમાં થતી બિમારીઓથી રક્ષણ પૂરુ પાડે છે.જેમકે શિયાળામાં શરદી-ખાંસીમાં પણ સૂંઠનું પાણી અસરકારક નિવડે છે.
સૂંઠનું પાણી પીવાથી ખરાબ વાતાવરણમાં થતા માથાનાં દુખાવામાં રાહત મળે છે. સૂંઠનું પાણી માથાનાં ભાગ સુઘી યોગ્ય પ્રમાણમાં ઓક્સિજન પહોંચાડે છે જેના કારણે માથાનો દુખાવો ઓછો થાય છે.
સૂંઠનું પાણી ગેસ, અપચો જેવી પાચનક્રિયા સાથે સંકળાયેલી સમસ્યાઓ માંથી છૂટકારો મેળવવામાં મદદ કરે છે. રોજ નિયમિતપણે તેનું સેવન કરવાથી ઉલ્ટીની તકલીફ પણ દૂર થાય છે.
શિયાળાની ઋતુમાં લોકોમાં ખાસ કરીને વઘુ ઉંમર વાળા વ્યક્તિઓમાં શરીરનાં વિવિઘ અંગોમાં થતા દુખાવાની ફરિયાદ જોવા મળતી હોય છે. સૂંઠનું પાણી શરીરમાં થતાં દુખાવામાં રાહત આપવાનું કાર્ય કરે છે.