જો ગુજરાતના ભોજનની થાળીમાં ગુજરાતી કઢી ન હોય તો તેનો અર્થ એ થાય કે ગુજરાતી થાળી અધૂરી છે. તેને ગુજરાતના ભોજનથી અલગ કરી શકાય તેમ નથી.ગુજરાતી કઢી એ ચણાના લોટ સાથે ઘટ્ટ દહીંનું એક મીઠી અને મસાલેદાર મિશ્રણ છે, જેનો સ્વાદ ઘણી રીતે વધારી શકાય છે અને અન્ય ઘટકો જેમ કે પકોડા અને કોફતા સાથે પણ ટેસ્ટ કરી શકાય છે.
2 કપ તાજુ દહીં, 5 ચમચી ચણાનો લોટ, 2 ચમચી ઘી, 1/2 ચમચી જીરું, 1/2 ચમચી સરસવ, એક ચપટી હિંગ, 5 મીઠા લીમડાના પાન, મીઠું, સ્વાદ મુજબ, 1 ચમચી આદુ-લીલા મરચાની પેસ્ટ, 2 ચમચી ખાંડ, થોડી સમારેલી કોથમીર.
એક બાઉલમાં દહીં અને ચણાનો લોટ મિક્સ કરો અને જ્યાં સુધી ગઠ્ઠો ન રહે ત્યાં સુધી હલાવતા રહો.
તેમાં 3 કપ પાણી નાખીને બરાબર મિક્સ કરી લો.
એક પેનમાં ઘી ગરમ કરો અને તેમાં જીરું અને સરસવ નાખો.
જ્યારે દાણા તડતડ થવા લાગે ત્યારે તેમાં હિંગ નાખીને થોડી સેકંડ માટે ફ્રાય કરો.
ત્યાર બાદ તેમાં તૈયાર કરેલું દહીં-ચણાનો લોટ-પાણીનું મિશ્રણ, મીઠા લીમડાના પાન, મીઠું, આદુ-લીલા મરચાંની પેસ્ટ અને ખાંડ નીખી સારી રીતે મિક્સ કરો અને સતત હલાવતા રહીને 2 મિનિટ સુધી પકાવો.
હવે ગેસ ધીમો કરો અને થોડી- થોડી વારે હલાવતા રહો 10-12 મિનિટ સુધી પકાવો.
કોથમીરથી ગાર્નિશ કરીને રોટલી, પૂરી, પૂલાવ અને ખીચડી સાથે ગરમાગરમ સર્વ કરો.
રેસીપી ગમે તો લાઈક શેર કરો અને આવી વધુ રેસીપી માટે ગુજરાતી જાગરણ વાંચતા રહો.