શિયાળામાં દરેક લોકોને ગરમા-ગરમ વાનગી ખાવી ગમતી હોય છે, ત્યારે આજે અમે તેમને લીલા વટાણીના પરાઠાની રેસીપી જણાવીશું.
2 કપ ઘઉંનો લોટ,સ્વાદ અનુસાર મીઠું, 1 ચમચી તેલ, 1 ટીસ્પૂન જીરું, 7-8 મીઠા લીમડાના પાન, 8-10 લસણની કળી, 2-3 લીલા મરચાં, 2 કપ લીલા વટાણા, પાણી,1/2 ચમચી ગરમ મસાલો, 1/2 ચમચી ધાણા પાવડર, 1 ચમચી લીંબુનો રસ, બારીક સમારેલી કોથમીર.
એક બાઉલમાં ઘઉંનો લોટ,મીઠું,થોડું પાણી ઉમેરીને લોટ બાંધી થોડી વાર તેને સેટ થવા દો.
હવે એક પેનમાં તેલ ગરમ કરીને તેમાં જીરું,મીઠા લીમડાના પાન,લસણ,લીલા મરચાં,ઉમેરીને વઘાર કરો.
હવે તેમાં લીલા વટાણા અને થોડું પાણી ઉમેરીને 10 મિનિટ માટે પકાવો.
હવે તેમાં મીઠું,ચણા મસાલો,ધાણા પાવડર,લીંબુનો રસ અને સારી રીતે મિક્સ કરીને મિશ્રણને ઠંડુ થવા દો.
હવે તેને બ્લેન્ડરમાં ઉમેરો અને તેમાં કોથમરી એડ કરીને બધું બરછટ પીસીને બાંધેલા લોટમાં મિક્સ કરી લો
હવે લોટમાંથી નાના બોલ બનાવી તેના પર સૂકો લોટ છાંટીને પરાઠાને વણી લો.
હવે એક તવો ગરમ કરીને પરાઠાને બંને બાજુ પર માખણ લગાવીને પાકવી લો.
મટર પરાઠા તૈયાર છે તમે તેને દહીં અથવા રાયતા અથવા કોઈપણ ચટણી સાથે સર્વ કરી શકો છો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.