દેશનું વિદેશી હૂંડિયામણ 14 જુલાઈના રોજ પૂરા થયેલા સપ્તાહમાં 12.74 અબજ ડોલર વધીને 609.02 અબજ ડોલર થયું છે. અગાઉના સપ્તાહમાં કુલ વિદેશી ભંડોળ 1.23 અબજ ડોલર વધી 596.28 અબજ ડોલર થયું હતું.
આ સાથે લાંબા સમય બાદ ભારતના વિદેશી હૂંડિયામણનું ભંડોળ 600 અબજ ડોલરની સપાટીને પાર થયું છે. આ સાથે તે 15 મહિનાની ઊંચી સપાટીને સ્પર્શી ગયું છે.
દેશનું વિદેશી હૂંડિયામણ ભંડોળ ઓક્ટોબર,2021માં 645 અબજ ડોલરના વિક્રમજનક સ્તરે પહોંચ્યું હતું. જોકે વૈશ્વિક ઘટનાઓને પગલે દબાણ સર્જાતા ત્યારબાદ નોંધપાત્ર ઘટાડો થયેલો
RBIની માહિતી પ્રમાણે ગોલ્ડના ભંડારનું મૂલ્ય 1.14 અબજ ડોલર વધી 45.19 અબજ ડોલર થયું હતું. SDR 25 કરોડ ડોલર વધી 18.48 અબજ ડોલર થયું છે.