સારા સ્વાસ્થ્ય માટે પોતાનું ધ્યાન રાખવાની સાથે સાથે આજુબાજુના વિસ્તારને પણ સ્વચ્છ રાખવું જરૂરી છે. દરેક વ્યક્તિ ઈચ્છે છે કે તેનું ઘર સ્વચ્છ રહે અને ત્યાં કોઈ કીડા મકોડા કે ગરોળી જેવા જીવજંતુઓ ના રહે. તેમ છતા પણ ગરોળી ઘરમાં આવી જતી હોય છે. કેટલાક લોકો તેનાથી ડરી જાય છે તો કેટલાક લોકો ગરોળીને જોઈને ચિતરી ચડે છે. પરંતુ અમે તમને એવી કેટલીક ટિપ્સ જણાવી રહ્યા છીએ કે જે તે તમારા સ્વાસ્થ્ય માટે ખતરનાક સાબિત થઈ શકે છે. તેથી કાળજી પૂર્વક તેનો ઉપયોગ કરવો જોઈએ.
લાલ મરચું અને કાળા મરીને સરખી માત્રામાં લઈને પાણીમાં મિક્સ કરો અને ઘરના ખૂણે-ખૂણે, બારી-બારણાં વગેરે પર સ્પ્રે કરો. જેનાથી ગરોળી ત્યાથી ભાગી જાય છે. તે તમારા શરીર કે આંખો પર ન પડે તેનું ધ્યાન રાખો.
ઈંડાના ફોતરાની ગંધથી પણ ગરોળીઓ ભાગી જાય છે. તેથી તમે ઈંડાના ફોતરાને ઘરમાં ગરોળી છુપાયે તે જગ્યાએ રાખી શકો છો.
પાવડરના ઉપયોગથી પણ ગરોળીને ભગાવી શકાય છે. આ માટે કોફી પાવડરમાં તમાકુ મિક્સ કરીને તેમાંથી નાની નાની ગોળીઓ બનાવો અને જ્યાં ગરોળી વધુ આવતી હોય ત્યાં તેને રાખો.
નેપ્થાલિન બોલ્સની મદદથી પણ ગરોળીને ભગાવી શકો છો. તેથી તમે તેને અલગ અલગ જગ્યાએ પણ રાખી શકો છો.
એવું માનવામાં આવે છે કે ઘરમાં મોરનું પીંછ રાખવાથી ગરોળી ઘરમાં આવતી નથી. તેથી તમે મોરના પીંછાને દિવાલો પર લગાવીને ગરોળીથી છુટકારો મેળવી શકો છો.
ઠંડા પાણીની મદદથી પણ ગરોળીને દૂર કરી શકો છો. જ્યારે તમે ગરોળી જુઓ તો તેના પર ઠંડુ પાણી છાંટો. આનાથી તે ભાગી જશે.
જીવનશૈલી સંબંધિત તમામ સમાચાર માટે ગુજરાતી જાગરણ વાંચતા રહો.