ચશ્મામાં લાગેલ નોઝ સ્ટેન્ડના દબાણના કારણે નાકની આસપાસના ભાગમાં બ્લડ સર્ક્યુલેશન રોકાઈ જાય છે. જેના કારણે કાળા ધબ્બા પડી જાય છે. આ ઉપરાંત ખોટી ફ્રેમનો ઉપયોગ કરવાથી પણ ધબ્બા પડી શકે છે.
કાળા ધબ્બાને દૂર કરવા માટે ખીરાનો ઉપયોગ કરો. આ માટે ખીરાને નાકની આસપાસ 15 મિનિટ સુધી રાખો. જે બાદ તેને હટાવી લો અને પાણી સૂકાવા દો.
એલોવેરા જેલમાં રહેલ એન્ટી એજીંગ ગુણ કાળા ધબ્બાને હટાવવામાં મદદ કરે છે. આ માટે એલોવેરા જેલથી નાકની આસપાસ 10 મિનિટ સુધી મસાજ કરો.
કાચા બટાકાના રસને 30 મિનિટ સુધી નાક પર લગાવીને રાખવાથી કાળા ધબ્બા હટાવવામાં મદદ મળશે. આ માટે બટાકાને ક્રશ કરીને તેનો રસ નીકાળી લો અને 30 મિનિટ સુધી નાક પર લગાવ્યા બાદ પાણીથી ધોઈ લો.
લીંબુનો રસ ચશ્માના કારણે પડેલા કાળા ધબ્બા હટાવવામાં મદદ કરે છે. આ માટે લીંબુના રસને કૉટનની મદદથી ધબ્બા વાળી જગ્યા પર લગાવો. હવે 15 મિનિટ બાદ ચોખ્ખા પાણીથી મો ધોઈ લો.
બદામનું તેલ કાળા ધબ્બા હટાવે છે. આ માટે રાતે સૂતા પહેલા નાકની આસપાસના ભાગમાં બદામના તેલથી માલિશ કરવી જોઈએ.