ખમણ ઢોકળા તો તમે ખાધા હશે, આજે અમે તમને નાયલોન ખમણ બનાવવાની યુનિક રીત જણાવીશું.
ચણાની દાળ, આદુ, લીલાં મરચાં, હળદર પાવડર, દહીં, તેલ, મીઠું, સોડા, લીંબુનો રસ, રાઈ, હિંગ, ખાંડ, મીઠા લીમડાના પાન, પાણી, કોથમીર.
ચણાની દાળને ધોઈને સારી રીતે નીતારી લો.3 કપ પાણી ઉમેરીને તેને 3-4 કલાક પલાળી રાખો.
હવે એક ગ્રાઇન્ડરમાં ચણાની દાળ નાખીને સ્મૂધ બેટર જેવી પીસીને એક મોટા મિક્સિંગ બાઉલમાં કાઢીને આખી રાત આથો આવવા દો.
હવે બેટરમાં છીણેલું આદુ,લીલા મરચાની પેસ્ટ,દહીં,તેલ,હળદર પાવડર અને મીઠું ઉમેરીને બરાબર મિક્સ કરી લો.
હવે તેમાં બેકિંગ સોડા અને લીંબુનો રસ ઉમેરીને બેટરમાં મિક્સ કરીને સ્ટીમિંગ ટ્રેમાં થોડું તેલ ગ્રીસ કરો અને ખમણનું બેટર ટ્રેમાં નાખો.
હવે તેને 15 મિનિટ માટે બેટરને વરાળમાં પકાવીને ખમણને સ્ટીમરમાંથી કાઢીને નાના ચોરસ ટુકડા કરો.
એક વઘારીયામાં તેલ ગરમ કરી તેમાં રાઈ,લીલા મરચાંના ટુકડા,હિંગ,ખાંડ અને મીઠો લીમડો ઉમેરી વઘાર તૈયાર કરીને ખમણના ટુકડા ઉપર ટેમ્પરિંગ રેડો.
હવે તેના પર સમારેલી તાજી કોથમરી ગાર્નિશ કરીને સર્વ કરો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.