પાઇનેપલ ઉનાળા માટે શ્રેષ્ઠ ફળ માનવામાં આવે છે. તમે તેને આ રીતે કાપીને ખાઈ શકો છો અથવા તમે તેનું જ્યુસ,જામ,ચટણી વગેરે બનાવીને ખાઈ શકો છો. ચાલો આજે જાણીએ તેમાથી મસાલેદાર ચટણી બનાવવાની રેસિપી
પાઇનેપલ - 1-2 કપ (ઝીણા સમારેલ), દહી - 1 કપ, નાળિયેર- 1 કપ, સરસવના દાણા - અડધી ચમચી, આદુ - 1-2 ઈંચ, લીલા મરચા -2, મીઠા લીમડાના પાન -2-4, તેલ - 1-2 ચમચી, સ્વાદ માટે મીઠું.
પાઇનેપલની ચટણી બનાવવા માટે સૌથી પહેલા પાણી ગરમ કરો અને પછી તેમા પાઇનેપલ ઉમેરીને ઉકાળો.
જ્યારે પાઇનેપલ ઉકળ્યા પછી નરમ થઈ જાય ત્યારે તેમાં લીલા મરચા અને આદુ ઉમેરીને થોડીવાર વધુ ઉકાળો.
હવે નાળિયેરની પેસ્ટમાં બાફેલા આદુ અને લીલા મરચાં ઉમેરો અને પછી આ મિશ્રણને ગ્રાઈન્ડરમાં પીસીને પેસ્ટ બનાવો.
હવે બાફેલા પાઇનેપલને મેશ કરીને પેસ્ટ બનાવો અને પછી તેને નાળિયેરમાંથી તૈયાર કરેલી પેસ્ટમાં ઉમેરો અને તેને સારી રીતે મિક્સ કરો.
ચટણીને ગરમ કરવા માટે તેલ ગરમ કરો અને તેમા મીઠા લીમડાના પાન અને સરસવના દાણા ઉમેરી પકાવી લો.
જ્યારે મીઠા લામડાના પાન તળાઈ જાય ત્યારે આ ટેમ્પરિંગને પાઇનેપલ પેસ્ટમાં ઉમેરો, પાઇનેપલની ચટણી તૈયાર છે.તમે તેને રોટલી, ચપાતી,પરોઠા વગેરે સાથે સર્વ કરી શકો છો.