સમગ્ર દેશમાં હમણા ગરમીએ માજા મુકી છે તેવામાં પંખા, કુલર વગર રહેવું ઘણું અઘરુ છે. જો તમે પણ ગરમીમાં રાહત મેળવવા કુલરનો ઉપયોગ કરતા હોવ તો તેને સમયસર સાફ કરતા રહેવુ પણ જરૂરી છે, નહીંતર તેમા દુર્ગંધ એને બેકટેરીયા થવાની શક્યતા છે જેનાથી બીમારીઓ પણ ફેલાઈ શકે છે. તમે આ કેટલીક સરળ રીતથી કુલરને ઘરેજ સરળતાથી સાફ કરી શકો છો.
કુલરની સમયસર સફાઈ કરવામાં આવે ત્યારે જ તે સારી રીતે ઠંડક આપે છે, ઘણા લોકો કુલરને સાફ નથી કરતા જેથી કુલર સારી રીતે કામ નથી કરી શકતું માટે તેની સમયયર સફાઈ જરુરી છે
કુલર ઠંડી હવા તેમાં ઉમેરવામાં આવતા પાણીના લીધે જ આપે છે. એકવાર પાણી રેડી કુલરનો ઉપયોગ કરી લીધા બાદ પાણીને બદલવું પણ જરૂરી છે, વધું સમય સુધી પાણી રાખી મુકવાથી પાણી ઝડપથી ગંદુ થઈ જાય છે અને તેમાં બેક્ટેરિયા બનવા લાગે છે.
કુલરનું પાણી સાફ કરી લીધા પછી તેમાં જંતુનાશક ઉમેરો, આમ કરવાથી પાણીમાં મચ્છરો પેદા થતા નથી.
કુલરમા રહેલું ઘાસને પણ સાફ કરવાનું ચુકશો નહીં, આને સાફ ન કરવાથી પણ દુર્ગંધ આવી શકે છે.
કુલરનું પાણી સાફ કરવા ઉપરાંત તેની બ્લેડ પણ સાફ કરવી જોઈએ. તમે તેને ભીના કપડાની મદદથી સાફ કરી શકો છો.
કૂલરની સ્વચ્છતા રાખવામાં સૌથી વધુ મહત્વનું પાણી છે તેને સમયસર બદલવું જરૂરી છે. પાણી ભર્યા પછી, તેને 1 કે 2 દિવસ પછી સાફ કરો.
કુલરમા લાંબા સમય સુધી પાણી ભરી રાખવાના લીધે તે ગંદુ થઈ જાય છે અને તેમાં દુર્ગંધ આવવા લાગે છે. આ ગંદા પાણીને સાફ કરવા માટે, સૌપ્રથમ બધું પાણી બહાર કાઢી લો. હવે બાકીના પાણીને કપડાની મદદથી કાઢી લો અને તેને સુકાવા દો.