દહીં વડા ખાવામાં ખૂબ જ સ્વાદિષ્ટ લાગે છે પરંતુ તેને ઘરે એકદમ નરમ ટેસ્ટી બનાવવા ઘણા મુશ્કેલ છે. આજે અમે તમને ઘરે પરફેક્ટ નરમ દહીં વડા બનાવવાની રીત જણાવીશું.
1 કપ અડદની દાળ,તળવા માટે તેલ, 1-2 ચમચી દહીં,મીઠું 2 ચમચી,2 ચમચી જીરું પાવડર, 2 ચમચી ધાણા,1-4 ચમચી કાળા મરી પાઉડર,1-2 ચમચી લાલ મરચૂં પાઉડર, 1 ચમચી કાળું મીઠું.
અડદની દાળને 5 થી 6 કલાક સુધી પાણીમાં પલાળી રાખો, પછી તેને પીસીને તેની પેસ્ટ બનાવો.
દાળને પીસી લીધા પછી તેને સારી રીતે ફેટી લો જેથી તે હલકી અને નરમ બને, પછી તેને વડા જેવો ગોળ આકાર આપો.
હવે એક પેનમાં તેલ ગરમ કરો. આ તેલ ગરમ થાય એટલે તેમાં આ વડા નાખો.
તેને તેલમાં મધ્યમ બ્રાઉન થાય ત્યાં સુધી ધીમા ગેસ પર તળી લો.
એક બાઉલમાં પાણી લો અને તેમાં મીઠું મિક્સ કરો અને તેલમાં તળેલા વડા આ પાણીનમાં નાખો.
બાકી રહેલ બેટરના આ રીતે વડા બનાવી લો અને મીઠા વાળા પાણીમાં થોડા સમય માટે રાખો.
હવે દહીંમાં મીઠું,એક ચમચી જીરું, એક ચમચી કોથમીર અને કાળા મરી પાવડર મિક્સ કરો.
પાણીમાં રાખેલ વડાને નીચવીને એક પ્લેટમાં કાઢી લો અને તેની ઉપર દહીં નાખો.
તેમાં જીરું પાવડર,કોથમીર,મરચું પાવડર,કાળું મીઠું અને ચાટ મસાલો નાખીને ગાર્નિશ કરીને સર્વ કરો.
દહીં વડાને ટેસ્ટી બનાવવા માટે દહીંમાં એક ચમચી ખાંડ નાખો જેનાથી તેનો સ્વાદ સારો થઈ જશે.
તેને નરમ બનાવવા માટે તેના બેટરમાં 1 કે 2 બાફેલા બટાકા મિક્સ કરો.જેનાથી વડા નરમ અને ટેસ્ટી બનશે.
હવે તમે પણ નરમ અને ટેસ્ટી વડાને ઘરે બનાવી શકો છો.આવી વધુ રેસીપી માટે ગુજરાતી જાગરણ વાંચતા રહો.