હવે જીરાના ભાવમાં સતત ઝડપભેર વધવા લાગ્યા છે. જાણકારોના મતે જીરું મોંઘુ થવા પાછળ ઉત્પાદનમાં ઘટાડાને લીધે પુરવઠામાં ઘટાડો જવાબદાર માનવામાં આવે છે. આ ઉપરાંત મજબૂત માંગ પણ છે.
એક સપ્તાહમાં જીરાના ભાવમાં 20 ટકા મોંઘું થયું છે. NCDEXમાં એક સપ્તાહમાં પ્રથમ વખત નફારૂપી વેચવાલી નિકળી હતી,જેને લીધે 25 એપ્રિલના રોજ જીરા માટે મે મહિનામાં કોન્ટ્રેક્ટ તૂટી 38,830 લેવલ પર રહ્યા હતા.
ત્યારબાદ તેમા સતત મજબૂત સ્થિતિ જોવા મળી રહી છે, આજે તેનો ભાવ પ્રતિ ક્વિન્ટલ રૂપિયા 46,250 લેવલ પર પહોંચી ગયો છે. જીરાનો વાયદો પણ નવી ઊંચી સપાટીએ પહોંચી ગયો છે.
છેલ્લા એક સપ્તાહમાં જીરાનો બેંચમાર્ક રૂપિયા 41,000થી વધીને રૂપિયા 45,500 પહોંચી ગયો છે.
ગયા સપ્તાહના અંતિમ કામકાજના બે દિવસથી ભાવ વધવાની શરૂઆત થઈ હતી અને આ સપ્તાહ તેના વાયદાની કિંમતમાં જોરદાર વધારો થયો છે.
બજારના સૂત્રોના જણાવ્યા પ્રમાણે તાજેતરમાં વરસાદને લીધે જીરાની આવકને અસર થઈ છે અને તેને લીધે ઉત્પાદનમાં ઘટાડો થયો છે. આ સંજોગોમાં જીરાના વાયદાના ભાવ રૂપિયા 50 હજાર પ્રતિ ક્વિન્ટલ થઈ શકે છે.