ક્યારેક દિવાળીમાં ફટાકડા ફોડતી વખતે આપણી બેદરકારીને કારણે હાથ બળવાની ઘટના પણ બનતી હોય છે. એવામાં કેટલાક ઘરેલૂ ઉપાય જે બળેલા ભાગમાં થતી બળતરાને ઓછી કરે છે. ચલો આજે એ ઉપાયો વિશે જાણીએ.
જો ફટાકડાથી હાથ બળી જાય તો તમે પાણીનો ઉપયોગ કરી શકો છો. સૌથી પહેલા બળેલા ભાગ પર પાણી નાખો અને ત્યારબાદ તરત જ નજીકના ડોક્ટરનો સંપર્ક કરો.
બટાકાનો રસ બળવાના ભાગે થતી બળતરામાં રાહત આપે છે. આ માટે પહેલા બટાકાને પીસીને પેસ્ટ બનાવી લો પછી બળેલા ભાગ પર હલકા હાથે લગાવો. આવુ કરવાથી આરામનો અનુભવ થશે અને બળેલાના નિશાન પણ ચામડી પર નઈ રહે.
જયારે પણ સામાન્ય બળવાની ઘટના થાય ત્યારે નારિયેળ તેલ ખૂબ જ મદદરૂપ સાબિત થાય છે. જોકે આ તેલ માત્ર થોડી વાર માટે રાહત આપવાનું કામ કરે છે જેથી આ બળેલા ભાગ પર તેલ લગાવીને તરત જ વ્યક્તિને ડોક્ટર પાસે લઇ જાઓ.
હળદરએ દુખવામાં તથા બળવાના કારણે થતી અસહ્ય બળતરામાં રાહત આપવાનું કાર્ય કરે છે. તેમાં અનેક ગુણ રહેલા છે તેનો પેસ્ટ આ સમયે લાભદાયી સાબિત થાય છે.
બળતરાને ઓછી કરવા માટે એલોવેરાના જેલનો ઉપયોગ કરો. એલોવેરાના જેલમાં ઘણા ઔષધિય ગુણ રહેલા છે જે બળતરામાં રાહત આપે છે. સાથે તેના લગાવવાથી બળેલા ભાગ પર નિશાન પણ દૂર થાય છે.