આજે ગણેશ ચતુર્થી છે. ઘરે ઘરે અને મોટા ભાગની સોસાયટીમાં ગણપતીની સ્થાપના થશે. ત્યારે આપણે ગણપતિને પ્રિય ચુરમાના લાડુ બનાવવાની રેસિપી જોઈશું.
એક મોટા મિક્સિંગ બાઉલમાં, ઘઉંનો લોટ, ઘી, દૂધ બરાબર મિક્સ કરો. પછી તેમા પાણી ઉમેરી લોટ બાંધી લો.
આ લોટને ઢાંકીને થોડીવાર રાખી દો. પછી તેના નાના ગોળ અથવા લંબગોળ લુવા હથેળીમાં દબાવીને બનાવી લો.
હવે કઢાઈમાં તેલ ગરમ મૂકી આ લુવાને તળી લો. પછી મિક્સર જારમાં તેને પીસી લો.
હવે એક કઢાઈમાં થોડું ઘી લો અને તેમા ગોળ ઉમેરો. ગોળ બરાબર ઓગાળી ગયા પછી તેમા આ પીસેલો ભૂક્કો ઉમેરી દો.
ગોળ સાથે તેને બરાબર મિક્સ કરો પછી તેમા એલચી પાવડર, સમારેલી બદામ અને પિસ્તા ઉમેરો.
હવે ગેસ બંધ કરી દો અને થોડું ઠંડુ થાય એટલે ગોળ લાડવા વાળી લો. તમે ખસ ખસ વડે આ ચુરમાના લાડવાને કોટ પણ કરી શકો છો. તો તૈયાર તમારા ચુરમાના લાડુ.