પગના તળિયામાં બળતરા થવી અનેક ગંભીર સ્વાસ્થ્ય સબંધી સમસ્યાનો સંકેત પણ હોઈ શકે છે. તો ચાલો જાણીએ, પગના તળિયામાં બળતરા થવા પાછળ ક્યાં કારણો જવાબદાર હોઈ શકે છે
કિડની સાથે સંકળાયેલી કોઈ પણ સમસ્યા થવા પર તેની કાર્યક્ષમતાને અસર થાય છે, જેના કારણે લોહીમાં ટૉક્સિન બને છે અને પગમાં સોજા આવવા સાથે તળિયામાં બળતરા થાય છે.
એથલીટ્સ ફૂટ એક ફંગલ ઈન્ફેક્શન છે, જે એથલીટ્સને વધારે થાય છે. જેને ટિનિયા પેડીસ પણ કરે છે. જેમાં અંગૂઠાના નખ અને હાથને અસર કરે છે અને જલ્દી બળતરાની સમસ્યા વકરવા લાગે છે.
હાઈપોથાઈરૉઈડિઝ્મ તમારા શરીરના હોર્મોનના સંતુલનને બદલી નાંખે છે. જેના કારણે સોજા આવે છે, જે નસો પર દબાણ નાંખે છે. હાઈપોથાઈરૉઈડિઝ્મમાં પગના તળિયામાં બળતરા થવા સાથે ડ્રાય સ્કિનની સમસ્યા પણ થાય છે.
પોષણની ઉણપ પણ પગના તળિયામાં બળતરાનું કારણ હોઈ શકે છે. કુપોષણના કારણે પગમાં બળતરાની સમસ્યા થાય, તો તરત જ ડૉક્ટરની સલાહ લેવી હિતાવહ છે
SFSN એક દર્દનાક ન્યૂરોપેથી છે, જેના કારણે અવારનવાર પગના તળિયામાં બળતરા થાય છે.
વર્ષોથી અનિયંત્રિત હાઈ બ્લડ સુગર ધીમે-ધીમે બ્લડ વેસલ્સ અને નસોને નુક્સાન પહોંચાડે છે. જેથી શરીરના અનેક ભાગો બહેરા થઈ જાય છે, જેના કારણે જે-તે અંગોમાં બળતરાની સમસ્યા સર્જાય છે.