ભારતીય રસોઈમાં દહીનું આગવું મહત્વ છે. એવી માન્યતા પણ છે કે, શુભ કામ કરતા પહેલા દહી ખાવું જરૂરી છે.
દહીનો ઉપયોગ કરીને અનેક પ્રકારની ટેસ્ટી ડિશ તૈયાર કરવામાં આવે છે. દહીની લસ્સી, છાશ, રાયતા વગેરે લોકો ખૂબ જ પસંદ કરે છે.
દહીમાં પોટેશિયમ, વિટામિન-સી, વિટામિન-એ, વિટામિન-ઈ સહિતના પોષક તત્વો મળી આવે છે, જે પેટ માટે ફાયદેમંદ મનાય છે. તો ચાલો જાણીએ દહી ખાવાથી શરીરને શું-શું ફાયદા થઈ શકે છે
દહી ખાવાથી સ્વાદ વધવાની સાથે તે તમારા દાંત અને હાડકા માટે પણ ફાયદેમંદ મવાય છે. દહી ખાવાથી સંધિવાનો ખતરો ટળે છે.
પોષક તત્વોથી ભરપુર દહી ઈમ્યૂન સિસ્ટમને પણ મજબૂત કરવામાં મદદગાર છે. જેમાં એન્ટી ઑક્સિડેન્ટ ગુણ હોય છે, જે ઈમ્યૂન સિસ્ટમને મજબૂત બનાવવામાં કારગર છે.
જે લોકોને કૉલેસ્ટ્રોલની સમસ્યા હોય, તેમના માટે દહી ફાયદેમંદ સાબિત થઈ શકે છે. જે શરીરમાં બેડ કોલેસ્ટ્રોલનું પ્રમાણ ઓછું કરે છે. જેનાથી તમારું હાર્ટ હેલ્ધી રહે છે.
વેઈટ લૉસ માટે ડાયટમાં દહી સામેલ કરી શકો છો. જેને ખાવાથી પેટ લાંબા સમય સુધી ભરેલુ રહે છે. જેનાથી તમે વધારે ખાવાથી બચો છો અને વજન ઓછું કરવામાં મદદ મળે છે.