ચહેરાની ટેનિંગ દૂર કરવા માટે છાશનો ઉપયોગ કરી શકો છો. છાશ અને ટામેટાનો રસ એક સરખો મિક્સ કરીને ચહેરા પર લગાવવાથી ટેનિંગની સમસ્યામાં રાહત મળે છે.
જો તમારી સ્કીન ઓઇલી છે તો છાશ અને મુલતાની માટીની પેસ્ટ લગાવવાથી ફાયદો મળે છે. આ કારણે મુલતાની માટીમાં છાશ મિક્સ કરીને પેસ્ટ બનાવો અને ચહેરા પર લગાવો. સૂકાયા બાદ ચહેરો પાણીથી ધોઇ લો.
છાશમાં હળદર અને બેસન મિક્સ કરીને પેસ્ટ બનાવી લો. અડધો કલાક સુધી આ પેસ્ટને ચહેરા પર લગાવો. આ પેસ્ટને અઠવાડિયામાં એકથી બે વાર લગાવવાથી ચહેરા પર નેચરલ ગ્લો આવે છે.
ચહેરા પર છાશનો ઉપયોગ મોઇશ્ચરાઇઝ તરીકે પણ કરી શકો છો. છાશમાં રહેલું મોઇશ્ચરાઇઝિંગ ગુણ તમારા ચહેરાને સોફ્ટ બનાવી શકે છે. આ માટે છાશમાં ગુલાબ જળ મિક્સ કરો.
છાશમાં અખરોટ પાવડર અને હળદર મિક્સ કરીને પેસ્ટ બનાવો અને ચહેરા પર 30 મિનિટ સુધી લગાવો. છાશ અને ચંદનની પેસ્ટથી પણ ચહેરાના ડાઘાને ઘટાડી શકાય છે.