એક કપ ચણાનો લોટ, 1-4 કપ પાણી,1-4 કપ તેલ, 1 ચમચી હળદર, 1-2 ચમચી મીઠું, 1-4 ચમચી પાપડ ખારો, તળવા માટે તેલ.
સૌ પ્રથમ હેન્ડ બ્લેન્ડરમાં તેલ પાણીને સારી રીતે ફીણી લીધું. એકદમ વ્હાઇટ અને ફલફી થાય ત્યાં સુધી.
એક બાઉલમાં ચણાનો લોટ ચાળી લો ત્યારબાદ તેમાં મીઠું,હળદર અને પાપડ ખારો એડ કરી સરખી રીતે મિક્સ કરી તેલ પાણીનું મિક્સચર ઉમેરીને ઢીલો લોટ જેવું બાંધી લો.
મરી અને અજમો એડ કરવો હોય તો એડ કરી શકો છો.
હવે સેવ પાડવાના સંચાને અને મોટા કાણા વાળી જારીને તેલ લગાવી ગ્રીસ કરી લો અને તેલ ગરમ કરવા મુકો.
બધો લોટને સંચામાં ભરીને ગરમ તેલમાં ગાંઠિયા પાડીને સારી રીતે તળી લો.
હવે ઝારા થી નિતારીને બહાર કાઢી લો, ભાવનગરી ગાંઠિયા તૈયાર છે.
ભાવનગરી ગાંઠિયા તૈયાર છે તમે તેને મરચા,ડુંગળી,કઢી,ચટણી વગેરે સાથે સર્વ કરી શકો છો.
તમે પણ ઘરે આ રીતે ગાંઠિયા બનાવી શકો છો, રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.