વ્રત કે ઉપવાસ હોય એટલે ફરાળમાં શું બનાવું એ ઘણો મુજવતો પ્રશ્ન છે, તેથી આજે અમે તમને ફરાળી બટાકાની સુકી ભાજી બનાવવાની રેસીપી વિશે જણાવીશું.
બટાકા,આદુ-લીલા મરચાની પેસ્ટ,સીંગદાણાનો ભૂકો,જીરું,હળદર ,મીઠા લીમડાના પાન,તેલ,લીંબુનો રસ,કોથમરી, રોક મીઠું.
સૌપ્રથમ બટાકાને પાણી વડે બરોબર ધોઇ અને ગેસ પર એક કૂકરમાં પાણી નાખી તેમાં બટાકા ઉમેરીને 4-5 સીટી કરીને બટાકા બાફી લો.
બાફેલા બટાકાને બહાર કાઢી તેની છાલ ઉતારીને સમારી લો.
હવે ગેસ પર એક કડાઈમાં તેલ ગરમ કરી તેમાં જીરું,હળદર,મીઠો લીમડો નાખીને સાંતળીલો.
હવે તેમાં પીસેલા સિંગદાણાનો ભૂકો મરચાની પેસ્ટ અને આદુની પેસ્ટ નાખી એકથી બે મિનિટ સાંતળો.
હવે તેમાં બાફેલા બટાકાના ટુકડા નાખો અને ચમચા વડે બરાબર મિક્સ કરીને જરૂર લાગે તો ફરાળી રોક મીઠું નાખી મિક્સ કરો.
હવે તેમાં લીંબુનો રસ અને લીલા ધાણા ગાર્નિશ કરીને સર્વ કરો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.