સામાન્ય રીતે લોકો સવારે ઉઠીને કેળા ખાવાનું અથવા તેનો શેક પીવાનું પસંદ કરે છે. આ તકે જો તમે આનાથી કંટાળી ગયા છો તો અમે તમારા માટે હેલ્ધી ડ્રિંકની રેસીપી લાવ્યા છીએ. આજે અમે તમને ટેસ્ટી કેળા અને કોકોનટ સ્મૂધી બનાવવાની રીત જણાવવા જઈ રહ્યા છીએ.
નાળિયેર, ગ્રીક દહીં, મેપલ સીરપ, વેનીલા એસેન્સ, બટરસ્કોચ આઈસ્ક્રીમ, બદામ
સ્મૂધી બનાવવા માટે સૌપ્રથમ બ્લેન્ડરમાં 1 કેળું, દહીં, વેનીલા એસેન્સ અને છીણેલું નારિયેળ નાખીને તેનું ઘટ્ટ મિશ્રણ બનાવો.
આ તૈયાર મિશ્રણમાં બરફના ટુકડા નાખો. હવે તેને ફરીથી બ્લેન્ડ કરો. આ રીતે ક્રીમી અને ઘટ્ટ મિશ્રણ તૈયાર થશે.
આ મિશ્રણને એક ગ્લાસમાં નાખીને ઠંડુ કરીને સર્વ કરો. આ સ્મૂધીનો સ્વાદ વધારવા માટે તમે તેમાં બટરસ્કોચ આઈસ્ક્રીમ અને બદામ નાખી શકો છો.
જો તમે આ સ્મૂધીમાં નારિયેળ નથી નાખવા માંગતા તો તમે ફક્ત કેળાની સ્મૂધી પણ બનાવી શકો છો. આ માટે કેળાના નાના ટુકડા કરી લો.
કેળાના ટુકડાને બ્લેન્ડરમાં નાખો અને તેમાં થોડું મધ મિક્સ કરો. હવે તેને સારી રીતે મિક્સ કરી લો. આ પછી મિશ્રણમાં બરફના ટુકડા ઉમેરો અને ફરીથી બ્લેન્ડ કરો.
આ મિશ્રણમાં દૂધ ઉમેરો અને લગભગ 30 સેકન્ડ માટે તેને બ્લેન્ડ કરો. આ રીતે તમારી સ્મૂધી સરળતાથી તૈયાર થઈ જશે. સ્વાદ વધારવા માટે તમે તેમાં આઈસ્ક્રીમ નાખી શકો છો.
તમે આ સ્મૂધીને 10 મિનિટમાં સરળતાથી બનાવી શકો છો, આવી વધુ માહિતી માટે ગુજરાતી જાગરણ વાંચતા રહો.