ઘઉંના કે ઓટ્સના બિસ્કિટ તો તમે ખાધા હશે પરંતુ આજે અમે તમને રવાના લોટમાંથી બિસ્કિટ બનાવવાની રીત જાણીશું.
ઘી, ખાંડ, દૂધ, સોજી, ઘઉંનો લોટ, મિલ્ક પાઉડર, મીઠું, એલચી પાઉડર, પાણી, સૂકુ નારિયેળ, તેલ.
સૌ પ્રથમ એક બાઉલમાં ઘી, ખાંડ, ગરમ દૂધ ઉમેરીને બધુ બરાબર મિક્સ કરી લો.
હવે તેમાં સોજી,ઘઉંનો લોટ, મિલ્ક પાવડર, મીઠું, એલચી પાવડર,સૂકું નારિયેળ ઉમેરીને સારી રીતે મિક્સ કરો.
હવે તેમાં થોડું પાણી ઉમેરીને લોટ બાંધીને 10 મિનીટ સેટ થવા દો.
હવે લોટમાંથી નાના નાના લૂઆ બનાવી ગોળ ગોળ બિસ્કિટ બનાવી લો.
હવે એક કડાઈમાં તેલ ગરમ કરી તેમાં બિસ્કિટને સોનેરી થાય ત્યાં સુધી તળી લો.
તૈયાર છે સોજીના બિસ્કિટ, તમે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.