તમે બટાકામાંથી બનતા ઘણા પ્રકારના શાક તો બનાવ્યા જ હશે.પરંતુ શું તમે ક્યારેય બટાકાના કોફતા બનાવ્યા છે?.
તે ખાવામાં ખૂબ જ ટેસ્ટી લાગે છે. આવો જાણીએ પરફેક્ટ અને ટેસ્ટી આલૂ કોફ્તા કેવી રીતે બનાવવા.
4 મોટા બાફેલા બટાકા,1 કપ એરોરૂટ પાવડર,3 ટમેટા ઝીણી સમારેલ,3 ડુંગળી સમારેલ,કાજુ 12-15 નંગ,જીરું 1-2 ચમચી,તમાલપત્ર-2,હળદર-1-2 ચમચી,લાલ મરચું પાવડર- 1-2 ચમચી,ધાણા પાવડર-1-2 ચમચી,ગરમ મસાલો 1-2 ચમચી,સ્વાદ મુજબ મીઠું,તેલ,આદુ-લસણની પેસ્ટ,અડધી ચમચી ખાંડ,મેથીના દાણા.
સૌપ્રથમ બાફેલા બટાકાને મેશ કરો અને પછી તેમાં મીઠું,કોથમીર અને એરોરૂટ મિક્સ કરીને લોટની જેમ બાંધી લો.
હવે એક પેનમાં તેલ ગરમ કરો અને આ બટાકાના મિશ્રણને નાના ગોળ આકારમાં કાપીને ગરમ તેલમાં તળી લો.
તેને ગોલ્ડ બ્રાઉન થાય ત્યાં સુધી તળો અને પછી પ્લેટમાં કાઢી લો.
હવે એક પેનમાં હલકું તેલ લો અને તેમાં ટામેટા-ડુંગળી અને કાજુ નાખીને થોડીવાર તળો.
પછી તેને પ્લેટમાં કાઢીને મિક્સરમાં પીસી લો.
એ જ પેનમાં ફરીથી તેલ ગરમ કરો અને તેમાં તમાલપત્ર અને જીરું નાખો.
જ્યારે તે તડતડ થવા લાગે ત્યારે તેમાં ટામેટા-ડુંગળી અને કાજુની પેસ્ટ નાખો.
થોડીવાર પાકવા દો તેમાં આદુ અને લસણની પેસ્ટ નાખીને તેલ છૂટે ત્યાં સુધી તળો.
પછી તેમાં હળદર-મરચું,ધાણા અને મીઠું નાખીને બરાબર ફ્રાય કરો.
હવે ગ્રેવીની જાડાઈ પ્રમાણે પાણી ઉમેરીને ઉકાળો. તેની સાથે અડધી ચમચી ખાંડ નાખો.
પછી તેમાં ગરમ મસાલો અને કસૂરી મેથી નાખીને મિક્સ કરો.તમારા બટાકાના કોફતા તૈયાર છે.
તેને રોટલી કે ભાત સાથે ગરમા ગરમ સર્વ કરો, રેસીપી ગમે તો લાઇક શેર કરો અને આવી વધુ રેસીપી માટે ગુજરાતી જાગરણ વાંચતા રહો.