અદાણી ગ્રુપની રિન્યુએબલ એનર્જી કંપની અદાણી ગ્રીન એનર્જી લિમિટેડે સોમવારે તેના પરિણામો જાહેર કર્યાં હતા.
કંપનીને 30મી સપ્ટેમ્બરના રોજ પૂરા થયેલા ત્રિમાસિક ગાળામાં સંકલિત નફો રૂપિયા 372 કરોડ નોંધાવ્યો છે,જે વાર્ષિક ધોરણે 149 ટકા તેજી દર્શાવે છે.
અદાણી ગ્રીનની જુલાઈ-સપ્ટેમ્બર ત્રિમાસિક ગાળામાં સંકલિત કુલ આવક પણ વાર્ષિક ધોરણે 53.7 ટકા વધી રૂપિયા 2,589 કરોડ થઈ છે, જે એક વર્ષ અગાઉ સમાન અવધિમાં રૂપિયા 1,684 કરોડ હતી.
કંપનીએ કહ્યું કે મજબૂત ક્ષમતા વૃદ્ધિ અને સોલર, વિન્ડ તથા હાઈબ્રિડ પોર્ટફોલિયોમાં વધારે ક્ષમતાનો ઉપયોગ કરી ઉર્જા વેચાણમાં એક વર્ષની તુલનામાં 87 ટકા વૃદ્ધિ થઈ છે.