લિવરમાં પાણી ભરાવા પર કેટલાક સંકેત અગાઉથી શરીરમાં જોવા મળી જાય છે. આ સંકેતો દેખાય તો સમજી જવું જોઈએ કે, તમારા લિવરમાં પાણી ભરાઈ રહ્યું છે.
લિવરમાં પાણી ભરાવું ગંભીર સમસ્યા માનવામાં આવે છે. આથી શરૂઆતમાં જ કેટલાક લક્ષણોથી આ સમસ્યાને સમજીને સારવાર કરાવવી જોઈએ, જેથી તે ગંભીર સ્વરૂપ ના લે.
લિવરમાં પાણી ભરાવવાનું મુખ્ય લક્ષણ પેટમાં સોજો થાય છે અને પેટ ભારે લાગવા માંડે છે. જો તમને પણ પેટ ભારે લાગતું હોય, તો તે લિવરમાં પાણી ભરાવવાનો સંકેત હોઈ શકે છે.
જો તમને શ્વાસ લેવામાં સમસ્યા થઈ રહી હોય, તો તે પણ લિવરમાં પાણી ભરાવાનું લક્ષણ હોઈ શકે છે. હકીકતમાં લિવરમાં પાણી ભરાવાના કારણે ફેફસા પર અસર થતી હોય છે.જેના પરિણામે શ્વાસ લેવામાં તકલીફ થવા લાગે છે.
લિવરમાં પાણી ભરાવાથી પાણી અને સોડિયમનું સંતુલન બગડી જાય છે. જેના પરિણામે પગ અને એડીમાં સોજાની સમસ્યા થાય છે.
અચાનક શરીરનું વજન વધવા માંડે, તો તે પણ લિવરમાં પાણી ભરાવાનું લક્ષણ હોઈ શકે છે. જો કે વજન વધવાના અન્ય કારણો પણ હોઈ શકે છે, ત્યારે તબીબની સલાહ લેવી ઉચિત રહે છે.
જો તમને શરીરમાં ઉપરોક્ત જણાવ્યા મુજબના લક્ષણો દેખાય, તો તાત્કાલિક તબીબનો સંપર્ક સાધવો જોઈએ. જેથી ડૉક્ટર તમને યોગ્ય સલાહ અને સારવાર આપી શકે.