ગો ફર્સ્ટ તરફથી ઉડાન રદ્દ થવા અને નાદારીની પ્રક્રિયા શરૂ થયાના એક દિવસ બાદ સ્પાઈસ જેટે તેના 25 વિમાનો ઉડાન ભરશે તેવી જાહેરાત કરી છે.
સ્પાઈસજેટના કાફલામાં 72 વિમાન છે અને આ પૈકી 31 વિમાન સ્ટોરેજમાં છે. 3 મે સુધીની માહિતી પ્રમાણે 41 વિમાન સેવામાં છે.
દૈનિક 200 ઉડ્ડાનોનું સંચાલન કરનારી ગો ફર્સ્ટના ઘટનાક્રમ બાદ ભારતીય ઉડ્ડયન બજારમાં અલગ પ્રકારની સ્થિતિ જોવા મળી છે.
સ્પાઈસજેટે કહ્યું છે કે વિમાનોને સેવામાં લાવવા માટે તે સરકારની ઈમર્જન્સી ક્રેડિટ લાઈન ગેરન્ટી સ્કીમનો ઉપયોગ કરશે.
વિમાની કંપની આ વિમાનોને ઉડ્ડયન સેવામાં લાવવા માટે અગાઉ રૂપિયા 400 કરોડનું ભંડોળ એકત્રિત કરી ચુકી છે.