Sat Fera Samuh Lagna Yojana 2026 Gujarat: આજના મોંઘવારીના યુગમાં સામાન્ય અને મધ્યમ વર્ગના પરિવારો માટે લગ્ન પ્રસંગો આર્થિક રીતે ભારે બોજરૂપ બનતા હોય છે. લગ્નમાં થતા અણધાર્યા ખર્ચ અને દેવાકીય સ્થિતિથી પરિવારોને બચાવવા માટે સરકાર દ્વારા સમૂહલગ્નોને વિશેષ પ્રોત્સાહન આપવામાં આવે છે. આ જ હેતુસર ગુજરાત સરકાર દ્વારા ‘સાત ફેરા સમૂહલગ્ન યોજના’ અમલમાં મૂકવામાં આવી છે, જેના દ્વારા નવદંપતીઓને આર્થિક સહાય પૂરી પાડવામાં આવે છે.
આ યોજના અંતર્ગત સમૂહલગ્નમાં લગ્ન કરનાર નવા યુગલને સરકાર તરફથી રૂ. 12,000 ની આર્થિક સહાય સીધી કન્યાના બેંક ખાતામાં જમા કરવામાં આવે છે. આ ઉપરાંત, જે સંસ્થા દ્વારા આ સમૂહલગ્નનું આયોજન કરવામાં આવ્યું હોય તે સંસ્થાને પણ પ્રોત્સાહન રૂપે જોડા દીઠ રૂ. 3,000 (વધુમાં વધુ કુલ રૂ. 75,000 ની મર્યાદામાં) સહાય આપવામાં આવે છે.
યોજનાનો લાભ મેળવવા માટેની પાત્રતા અને શરતો:
- આ યોજનાનો મુખ્ય લાભ આર્થિક રીતે નબળા અને પછાત વર્ગ (OBC) ના પરિવારોને મળે છે.
- અરજદાર પરિવારની વાર્ષિક આવક મર્યાદા નિર્ધારિત કરેલ નિયમો અનુસાર હોવી જરૂરી છે.
- જે સમૂહલગ્નનું આયોજન કરવામાં આવે તેમાં ઓછામાં ઓછા 10 જોડાઓ પરણતા હોવા અનિવાર્ય છે.
- આ કાર્યક્રમમાં લગ્નની સત્તાવાર નોંધણી (રજિસ્ટ્રેશન) કરાવવી ફરજિયાત છે.
જરૂરી દસ્તાવેજો અને અરજી કરવાની પ્રક્રિયા:
યોજનાનો લાભ મેળવવા માટે નવા યુગલનું Redacted/Omitted કાર્ડ, આવકનો દાખલો, જાતિનો દાખલો, બેંકની પાસબુક અથવા કેન્સલ ચેક તેમજ લગ્નનું સર્ટિફિકેટ (અથવા સમૂહલગ્ન કરાવતી સંસ્થાનું પ્રમાણપત્ર) રજૂ કરવાનું રહે છે.
ઓનલાઈન અરજી
સરકારની સત્તાવાર ઈ-સમાજ કલ્યાણ વેબસાઇટ (esamajkalyan.gujarat.gov.in) પર જઈને અરજદારે પોતાની વિગતો નોંધી રજૂઆત કરવાની રહેશે. ત્યારબાદ લોગિન કરીને 'સાતફેરા સમૂહલગ્ન યોજના' પસંદ કરી ફોર્મ ભરી શકાશે.
ઓફલાઇન અરજી
જે નાગરિકો ઓનલાઈન કરવા ઈચ્છતા ન હોય તેઓ સંબંધિત કચેરીએ જઈને પણ ઓફલાઇન અરજી સબમિટ કરી શકે છે.