Vivo S2 FE Price in India: ભારતીય સ્માર્ટફોન માર્કેટમાં Vivo ફરી એકવાર મોટી બેટરીવાળો ફોન લાવવાની તૈયારીમાં છે. કંપનીએ સત્તાવાર રીતે પુષ્ટિ કરી છે કે Vivo S2 FE 5G સ્માર્ટફોન 6 ઓક્ટોબર 2026ના રોજ લોન્ચ થશે. આ ફોન Vivo V80 સાથે રજૂ કરવામાં આવશે અને Flipkart પર વેચાણ માટે ઉપલબ્ધ રહેશે. સૌથી વધુ ચર્ચા તેની 10,000mAh બેટરીને લઈને થઈ રહી છે, જે તેને અન્ય સ્માર્ટફોનથી અલગ બનાવી શકે છે.
6 ઓક્ટોબરે થશે Vivo S2 FEનું લોન્ચિંગ
Vivo S2 FE માટે Flipkart પર એક ખાસ માઇક્રોસાઇટ લાઇવ કરવામાં આવી છે. તેના દ્વારા જાણવા મળ્યું છે કે ફોન 6 ઓક્ટોબરે બપોરે 12 વાગ્યે ભારતમાં લોન્ચ થશે. કંપનીએ ફોનની ડિઝાઇનની પણ ઝલક બતાવી છે. સ્માર્ટફોન ગ્રીન કલર વેરિઅન્ટમાં જોવા મળે છે અને તેમાં ફ્લેટ રિયર પેનલ આપવામાં આવી છે. સ્ક્વેર-શેપ કેમેરા મોડ્યુલમાં ડ્યુઅલ રિયર કેમેરા અને LED ફ્લેશ જોવા મળશે.
લીક થયેલી માહિતી અનુસાર, Vivo S2 FEમાં 6.83 ઇંચની 1.5K AMOLED ડિસ્પ્લે મળી શકે છે, જે 120Hz રિફ્રેશ રેટને સપોર્ટ કરશે. પરફોર્મન્સ માટે તેમાં MediaTek Dimensity 7300e 5G પ્રોસેસર આપવામાં આવી શકે છે. સાથે LPDDR4X RAM અને UFS 3.1 સ્ટોરેજનો સપોર્ટ પણ મળવાની શક્યતા છે.
આ ફોનની સૌથી મોટી ખાસિયત તેની 10,000mAh બેટરી હોવાનું માનવામાં આવે છે. રિપોર્ટ્સ અનુસાર તેમાં 44W ફાસ્ટ ચાર્જિંગ સપોર્ટ પણ મળી શકે છે. જો આ માહિતી સાચી સાબિત થાય તો Vivo S2 FE કંપનીના અત્યાર સુધીના સૌથી મોટી બેટરી ધરાવતા સ્માર્ટફોન્સમાં સામેલ થઈ શકે છે.
કેમેરા વિભાગની વાત કરીએ તો તેમાં 50MPનો પ્રાઇમરી કેમેરા અને એક સેકન્ડરી સેન્સર મળી શકે છે. સેલ્ફી અને વીડિયો કોલિંગ માટે 32MPનો ફ્રન્ટ કેમેરા આપવામાં આવે તેવી શક્યતા છે. ઉપરાંત ફોનમાં IP68 અને IP69 ડસ્ટ અને વોટર રેઝિસ્ટન્સ રેટિંગ્સ તેમજ ઇન-ડિસ્પ્લે ફિંગરપ્રિન્ટ સેન્સર પણ મળી શકે છે.
કિંમત અંગે હજુ સુધી સત્તાવાર જાહેરાત થઈ નથી, પરંતુ લીક્સ અનુસાર 6GB RAM અને 128GB સ્ટોરેજ વેરિઅન્ટનો બોક્સ પ્રાઇસ 39,999 રૂપિયા હોઈ શકે છે. જોકે વાસ્તવિક વેચાણ કિંમત આથી ઓછી રહેવાની શક્યતા છે.