Redmi Note 18 5G launch: સ્માર્ટફોનમાં વારંવાર ચાર્જિંગ કરવાની ઝંઝટથી પરેશાન છો? તો Xiaomiનો આવનારો સ્માર્ટફોન Redmi Note 18 5G તમારા માટે ખાસ બની શકે છે. આ ફોનને લઈને નવી લીક્સ સામે આવી છે, જેમાં તેની બેટરીને લઈને મોટો ખુલાસો કરવામાં આવ્યો છે. રિપોર્ટ્સ અનુસાર, Redmi Note 18 5Gના ચાઇના વેરિઅન્ટમાં 8,888mAhની વિશાળ બેટરી મળી શકે છે. જ્યારે ગ્લોબલ વેરિઅન્ટમાં 8,100mAhની બેટરી આપવાની શક્યતા છે. આ ઉપરાંત ફોનમાં 45W ફાસ્ટ ચાર્જિંગ સપોર્ટ પણ મળી શકે છે.
ખાસ વાત એ છે કે આ ફોનમાં બેટરી સિવાય અન્ય ફીચર્સમાં મોટા ફેરફાર થવાની શક્યતા ઓછી છે. લીક્સ અનુસાર, Redmi Note 18 5G અગાઉના Redmi Note 17 5Gનું અપગ્રેડેડ બેટરી વેરિઅન્ટ હોઈ શકે છે. જોકે, Xiaomiએ હજુ સુધી આ સ્માર્ટફોન અંગે કોઈ સત્તાવાર જાહેરાત કરી નથી.
Redmi Note 18 5Gમાં મળશે 8,888mAhની બેટરી?
Redmi Note 18 5Gના ચાઇનીઝ અને ગ્લોબલ મોડલમાં અલગ-અલગ બેટરી આપવામાં આવી શકે છે. ચાઇના વેરિઅન્ટમાં 8,888mAhની બેટરી મળવાની શક્યતા છે, જ્યારે ગ્લોબલ વેરિઅન્ટમાં 8,100mAhની બેટરી મળી શકે છે.
જો તેની સરખામણી Redmi Note 17 5G સાથે કરવામાં આવે તો તેના ચાઇના મોડલમાં 8,000mAh અને ગ્લોબલ મોડલમાં 7,700mAhની બેટરી આપવામાં આવી હતી. એટલે કે નવા મોડલમાં ચાઇના વેરિઅન્ટને 888mAh અને ગ્લોબલ વેરિઅન્ટને 400mAhની વધારાની બેટરી ક્ષમતા મળી શકે છે.
45W ફાસ્ટ ચાર્જિંગ સપોર્ટ મળશે
મોટી બેટરીની સાથે ફોનની ચાર્જિંગ ક્ષમતા પણ ચર્ચામાં છે. લીક્સ અનુસાર, Redmi Note 18 5Gમાં 45W વાયર્ડ ફાસ્ટ ચાર્જિંગ સપોર્ટ મળી શકે છે. જોકે, આ બાબતમાં કોઈ મોટો અપગ્રેડ જોવા મળતો નથી, કારણ કે અગાઉના Redmi Note 17 5Gમાં પણ 45W ચાર્જિંગ સપોર્ટ આપવામાં આવ્યો હતો.
Redmi Note 17 5G જેવા જ રહી શકે છે ફીચર્સ
આ સ્માર્ટફોનને લઈને સામે આવેલી માહિતીમાં સૌથી રસપ્રદ વાત એ છે કે Redmi Note 18 5Gમાં બેટરી સિવાયના ફીચર્સ અગાઉના મોડલ જેવા જ હોઈ શકે છે. Redmi Note 17 5Gમાં 6.99 ઇંચની Full HD+ AMOLED ડિસ્પ્લે અને 120Hz રિફ્રેશ રેટ આપવામાં આવ્યો હતો. પરફોર્મન્સ માટે તેમાં Qualcomm Snapdragon 4 Gen 4 પ્રોસેસર મળે છે.
ફોટોગ્રાફી માટે ફોનમાં 50MPનો પ્રાઇમરી કેમેરા આપવામાં આવ્યો છે. લીક્સ અનુસાર, Redmi Note 18 5Gમાં પણ આ જ કેમેરા અને પ્રોસેસર જોવા મળી શકે છે. જોકે, નવા મોડલના ફીચર્સ અંગે કંપની તરફથી હજુ સુધી કોઈ પુષ્ટિ કરવામાં આવી નથી.

Redmi Note 18 Pro Maxમાં મળી શકે છે 10,000mAhની બેટરી
Redmi Note 18 સિરીઝમાં માત્ર સ્ટાન્ડર્ડ મોડલ જ નહીં, પરંતુ Redmi Note 18 Pro અને Redmi Note 18 Pro Max પણ લોન્ચ થઈ શકે છે. અગાઉના રિપોર્ટ્સમાં દાવો કરવામાં આવ્યો હતો કે Redmi Note 18 Pro Maxમાં 10,000mAh સુધીની મોટી બેટરી આપવામાં આવી શકે છે. જો આ માહિતી સાચી સાબિત થાય તો આ સિરીઝની બેટરી તેની સૌથી મોટી ખાસિયત બની શકે છે.
Redmi Note 18 5G ક્યારે થશે લોન્ચ?
Redmi Note 18 5Gની લોન્ચ ડેટ, કિંમત અને ભારતમાં ઉપલબ્ધતા અંગે હાલમાં કોઈ સત્તાવાર માહિતી સામે આવી નથી. જોકે, લીક્સ અનુસાર Redmi Note 18 સિરીઝને ચીનમાં જાન્યુઆરી 2027માં લોન્ચ કરવામાં આવી શકે છે. કંપની તરફથી જાહેરાત થયા બાદ જ ફોનના તમામ ફીચર્સ અને કિંમતની સાચી વિગતો જાણવા મળશે. હાલ આ તમામ માહિતી લીક્સ અને રિપોર્ટ્સ પર આધારિત છે.
