Redmi 17C 5G: ઓછી કિંમતમાં મળશે પ્રીમિયમ ફીચર્સ? Redmiના આ નવા 5G ફોનની વિગતો આવી સામે

Redmi 17C 5G Price: ભારતીય સ્માર્ટફોન માર્કેટમાં Xiaomi ફરી એકવાર બજેટ 5G સેગમેન્ટમાં ધમાકો કરવા તૈયાર છે. કંપની 1 ઓક્ટોબરના રોજ REDMI 17C 5G લોન્ચ કરવા જઈ રહી છે. લોન્ચ પહેલાં જ કંપનીએ ફોનના કેટલાક મહત્વના ફીચર્સ જાહેર કરી દીધા છે, જેના કારણે યુઝર્સમાં ઉત્સુકતા વધી ગઈ છે. મોટી ડિસ્પ્લે, લાંબો બેટરી બેકઅપ અને 5G કનેક્ટિવિટી શોધી રહેલા ગ્રાહકો માટે આ સ્માર્ટફોન આકર્ષક વિકલ્પ બની શકે છે.

બપોરે 12 વાગ્યે થશે સત્તાવાર લોન્ચ

Xiaomi REDMI 17C 5Gને ભારતમાં 1 ઓક્ટોબરે બપોરે 12 વાગ્યે રજૂ કરશે. કંપની આ સ્માર્ટફોનને એન્ટ્રી-લેવલ 5G સેગમેન્ટમાં લોન્ચ કરવાની તૈયારીમાં છે. ખાસ વાત એ છે કે ઓછી કિંમતમાં પ્રીમિયમ અનુભવ આપવાના ઉદ્દેશ સાથે તેમાં ઘણા એવા ફીચર્સ આપવામાં આવ્યા છે, જે સામાન્ય રીતે મોંઘા સ્માર્ટફોનમાં જોવા મળે છે.

ડિસ્પ્લે અને પરફોર્મન્સમાં મળશે મોટો અપગ્રેડ

REDMI 17C 5Gમાં 6.9 ઇંચની મોટી ડિસ્પ્લે આપવામાં આવશે. ફોનમાં 120Hz Adaptive Refresh Rate સપોર્ટ મળશે, જેના કારણે સ્ક્રોલિંગ અને ગેમિંગનો અનુભવ વધુ સ્મૂથ બનશે. ડિસ્પ્લેમાં Waterdrop Notch ડિઝાઇન આપવામાં આવી છે.

પરફોર્મન્સ માટે ફોનમાં MediaTek Dimensity 6300 5G પ્રોસેસર મળશે. દૈનિક ઉપયોગ, સોશિયલ મીડિયા, વીડિયો સ્ટ્રીમિંગ અને મલ્ટીટાસ્કિંગ માટે આ ચિપસેટ સક્ષમ માનવામાં આવે છે. ઉપરાંત, Memory Extension ફીચરની મદદથી 8GB સુધી RAM સપોર્ટ પણ મળશે.

6000mAh બેટરી બનશે સૌથી મોટી ખાસિયત

આ સ્માર્ટફોનની સૌથી મોટી વિશેષતા તેની 6000mAh ક્ષમતાની મોટી બેટરી છે. કંપનીના દાવા મુજબ, એક વખત ચાર્જ કર્યા બાદ ફોન 105 કલાક સુધી મ્યુઝિક પ્લેબેક સપોર્ટ આપી શકે છે.

ફોનમાં 33W Fast Charging સપોર્ટ પણ મળશે. Xiaomi અનુસાર, આ ચાર્જર દ્વારા બેટરીને આશરે 90 મિનિટમાં 80 ટકા સુધી ચાર્જ કરી શકાય છે. લાંબા સમય સુધી ફોનનો ઉપયોગ કરતા યુઝર્સ માટે આ ફીચર ઉપયોગી સાબિત થઈ શકે છે.

કેમેરા ફીચર્સ

ફોટોગ્રાફી માટે REDMI 17C 5Gમાં 50MP AI Dual Rear Camera સેટઅપ આપવામાં આવશે. કંપનીએ કેમેરા મોડ્યુલને Astral Deco Design સાથે રજૂ કર્યું છે, જે ફોનને સ્ટાઇલિશ લુક આપે છે. કેમેરામાં Portrait Mode, HDR અને Selfie Beauty જેવા ફીચર્સ પણ મળશે. સેલ્ફી અને સોશિયલ મીડિયા માટે ફોટા ક્લિક કરનારા યુઝર્સને આ ફીચર્સ ગમી શકે છે.

અન્ય ખાસ ફીચર્સ પણ છે સામેલ

ફોનમાં Xiaomi HyperOS આપવામાં આવશે. સાથે જ Googleનું લોકપ્રિય Circle to Search ફીચર પણ મળશે, જેના દ્વારા સ્ક્રીન પર દેખાતી કોઈપણ વસ્તુ વિશે ઝડપથી માહિતી મેળવી શકાશે. તે ઉપરાંત, ડિવાઇસમાં IP64 Rating મળશે, જે ધૂળ અને હળવા પાણીના છાંટાથી રક્ષણ આપે છે. Wet Touch Technology પણ આપવામાં આવશે, જેના કારણે ભીના હાથથી પણ સ્ક્રીન વધુ સારી રીતે કામ કરી શકશે.

ત્રણ કલર વિકલ્પમાં આવશે સ્માર્ટફોન

REDMI 17C 5Gને Coffee Brew, Purple Dawn અને Dark Night એમ ત્રણ કલર વિકલ્પમાં લોન્ચ કરવામાં આવશે. Coffee Brew વેરિઅન્ટમાં ખાસ ટેક્સ્ચર્ડ ફિનિશ આપવામાં આવશે, જે ફોનને અલગ ઓળખ આપશે.

REDMI 17C 5Gના મુખ્ય ફીચર્સ

હાલ કંપનીએ સ્માર્ટફોનની કિંમત અને RAM-Storage વેરિઅન્ટ વિશે કોઈ માહિતી આપી નથી. લોન્ચ બાદ REDMI 17C 5Gની ખરીદી Amazon, mi.com અને Xiaomiના રિટેલ સ્ટોર્સ પરથી કરી શકાશે.