oppo find x9 discount: જો તમે પ્રીમિયમ અને કોમ્પેક્ટ ફ્લેગશિપ સ્માર્ટફોન ખરીદવાનું વિચારી રહ્યા છો, તો Oppo Find X9 પર હાલમાં મળતી ઓફર તમારા માટે ઉપયોગી બની શકે છે. 84,999 રૂપિયાની ઓફિશિયલ કિંમત ધરાવતા આ ફોનને Flipkart પર ડિસ્કાઉન્ટ સાથે ખરીદી શકાય છે. ફોનમાં 7,025mAhની મોટી બેટરી, 50MP ટ્રિપલ રિયર કેમેરા અને MediaTek Dimensity 9500 ચિપસેટ જેવી સુવિધાઓ આપવામાં આવી છે.
Oppo Find X9ની નવી કિંમત અને બેંક ઓફર
ભારતમાં Oppo Find X9ની ઓફિશિયલ કિંમત 84,999 રૂપિયા છે. જોકે Flipkart પર 12GB RAM અને 256GB સ્ટોરેજ વેરિઅન્ટ હાલમાં 77,995 રૂપિયામાં લિસ્ટેડ છે. એટલે કે ઓફિશિયલ કિંમતની સરખામણીમાં સીધા 7,004 રૂપિયાની બચત થઈ શકે છે.
આ સિવાય પસંદગીના બેંક કાર્ડથી પેમેન્ટ કરવા પર વધારાની છૂટ પણ મળી શકે છે. Flipkart Axis Bank અને Flipkart SBI Bank કાર્ડ પર 3,900 રૂપિયા સુધીના વધારાના ડિસ્કાઉન્ટનો લાભ આપવામાં આવી રહ્યો છે. જ્યારે ICICI અને Axis Bankના ક્રેડિટ કાર્ડ પર 1,500 રૂપિયા સુધીની છૂટ મળી શકે છે.
ખરીદદારો EMI વિકલ્પનો ઉપયોગ પણ કરી શકે છે. આ ઉપરાંત જૂનો સ્માર્ટફોન એક્સચેન્જ કરીને કિંમતમાં વધુ ઘટાડો કરવાની તક પણ મળી શકે છે. જોકે બેંક ઓફર અને એક્સચેન્જ ડિસ્કાઉન્ટની શરતો અલગ હોઈ શકે છે, તેથી ખરીદી પહેલાં Flipkart પર લાગુ શરતો તપાસવી જરૂરી છે.
Oppo Find X9ના ફીચર્સ
Oppo Find X9માં 6.59 ઇંચનું AMOLED ડિસ્પ્લે આપવામાં આવ્યું છે. આ સ્ક્રીનમાં 2760 × 1256 પિક્સલનું 1.5K રિઝોલ્યુશન, 120Hz રિફ્રેશ રેટ અને 3,600 નિટ્સ સુધીની પીક બ્રાઇટનેસ મળે છે. ડિસ્પ્લેને Corning Gorilla Glass Victus 2નું પ્રોટેક્શન પણ આપવામાં આવ્યું છે.
પરફોર્મન્સ માટે ફોનમાં MediaTek Dimensity 9500 ચિપસેટ આપવામાં આવ્યો છે. પાવર માટે તેમાં 7,025mAhની મોટી બેટરી છે. આ બેટરી 80W વાયર્ડ અને 50W વાયરલેસ ચાર્જિંગને સપોર્ટ કરે છે. ફોનમાં 10W રિવર્સ ચાર્જિંગની સુવિધા પણ મળે છે.
કેમેરાની વાત કરીએ તો Oppo Find X9ના પાછળના ભાગમાં Hasselblad ટ્યુન્ડ 50MP ટ્રિપલ કેમેરા સેટઅપ આપવામાં આવ્યું છે. તેમાં OIS અને f/1.6 અપર્ચર સાથે 50MPનો મુખ્ય Sony LYT-808 કેમેરા, f/2.0 અપર્ચર સાથે 50MPનો અલ્ટ્રા-વાઇડ Samsung JN5 કેમેરા અને 3x ઓપ્ટિકલ ઝૂમ તથા OIS સપોર્ટ કરતો 50MPનો પેરિસ્કોપ ટેલિફોટો Sony LYT-600 કેમેરા સામેલ છે.
સેલ્ફી અને વીડિયો કોલિંગ માટે ફોનના ફ્રન્ટમાં 32MPનો કેમેરા આપવામાં આવ્યો છે. આમ, પ્રીમિયમ ડિઝાઇન સાથે મોટી બેટરી, ફ્લેગશિપ ચિપસેટ અને ટ્રિપલ 50MP કેમેરા સેટઅપ Oppo Find X9ની ખાસિયતોમાં સામેલ છે.