OnePlus Turbo 7 Pro Launch: સ્માર્ટફોન ખરીદતી વખતે હવે લોકો માત્ર કેમેરા કે પ્રોસેસર જ નહીં, પરંતુ બેટરી બેકઅપને પણ ખાસ મહત્વ આપે છે. જો તમે પણ વારંવાર ફોન ચાર્જ કરવાની સમસ્યાથી પરેશાન છો, તો OnePlusનો આવનારો નવો સ્માર્ટફોન તમારા માટે ખાસ બની શકે છે. કંપનીની Turbo સિરીઝનો આગામી ફોન OnePlus Turbo 7 Pro મોટી બેટરી અને દમદાર ફીચર્સ સાથે માર્કેટમાં એન્ટ્રી કરી શકે છે. રિપોર્ટ્સ અનુસાર, આ ફોનમાં 10,000mAh સુધીની બેટરી અને 200MP કેમેરા જોવા મળી શકે છે.
10,000mAh સુધીની બેટરીથી મળશે લાંબો બેકઅપ
OnePlus Turbo 7 Pro લોન્ચ પહેલાં જ તેની બેટરીને લઈને ચર્ચામાં છે. સામે આવેલા રિપોર્ટ્સ અનુસાર, આ સ્માર્ટફોનમાં 9,000mAhની બેટરી આપવામાં આવી શકે છે. જ્યારે અન્ય એક રિપોર્ટમાં 10,000mAh સુધીની બેટરી હોવાની શક્યતા વ્યક્ત કરવામાં આવી છે. જો આવું થાય છે, તો લાંબા સમય સુધી ગેમિંગ, વીડિયો સ્ટ્રીમિંગ અને અન્ય કામ કરતા યુઝર્સને મોટો ફાયદો મળી શકે છે.
આ ઉપરાંત ફોનમાં 100W ફાસ્ટ ચાર્જિંગ સપોર્ટ મળવાની પણ ચર્ચા છે. એટલે કે મોટી બેટરી હોવા છતાં ફોનને ઝડપથી ચાર્જ કરવાની સુવિધા મળી શકે છે. જોકે, આ તમામ વિગતો હજુ લીક થયેલી માહિતી અને મીડિયા રિપોર્ટ્સ પર આધારિત છે.

200MP કેમેરાથી ફોટોગ્રાફી થશે વધુ શાનદાર
બેટરી ઉપરાંત OnePlusના આ અપકમિંગ ફોનનો કેમેરા પણ ખાસ આકર્ષણ બની શકે છે. રિપોર્ટ્સ અનુસાર, OnePlus Turbo 7 Proમાં 200MPનો પ્રાઇમરી કેમેરા આપવામાં આવી શકે છે. આ સાથે મોટા સેન્સર ફોર્મેટનો ઉપયોગ થવાની પણ શક્યતા છે. જો આ ફીચર કન્ફર્મ થાય છે, તો ફોટોગ્રાફી પસંદ કરતા યુઝર્સ માટે આ ફોન એક સારો વિકલ્પ બની શકે છે.
185Hz રિફ્રેશ રેટ સાથે મળશે મોટી ડિસ્પ્લે
ડિસ્પ્લેની વાત કરીએ તો OnePlus Turbo 7 Proમાં 6.78 ઇંચની ફ્લેટ ડિસ્પ્લે મળી શકે છે. તેમાં 1.5K રિઝોલ્યુશન અને 185Hz રિફ્રેશ રેટ સપોર્ટ હોવાની શક્યતા છે. ખાસ કરીને ગેમિંગ અને વીડિયો જોતી વખતે હાઇ રિફ્રેશ રેટનો ફાયદો મળી શકે છે.
પાવરફુલ પ્રોસેસરથી મળશે દમદાર પરફોર્મન્સ
પરફોર્મન્સ માટે આ ફોનમાં Qualcommની 3nm ટેક્નોલોજી પર આધારિત SM8845 Pro ચિપસેટ આપવામાં આવી શકે છે. આ પ્રોસેસર સાથે ફોનમાં ગેમિંગ, મલ્ટીટાસ્કિંગ અને હેવી એપ્લિકેશનનો ઉપયોગ વધુ સરળ બની શકે છે. જોકે, પ્રોસેસર અંગે પણ કંપની તરફથી સત્તાવાર પુષ્ટિ કરવામાં આવી નથી.
ક્યારે લોન્ચ થશે OnePlus Turbo 7 Pro?
હાલમાં OnePlusએ Turbo 7 Proની લોન્ચ તારીખ, કિંમત અને સંપૂર્ણ ફીચર્સ અંગે કોઈ સત્તાવાર જાહેરાત કરી નથી. આ ફોન ચીનમાં કંપનીની Turbo સિરીઝ હેઠળ રજૂ થઈ શકે છે. તેની કિંમત અને ભારતમાં લોન્ચ થવાની શક્યતા અંગે પણ હજુ સ્પષ્ટ માહિતી સામે આવી નથી. હવે જોવાનું એ રહેશે કે કંપની આ ફોનમાં ખરેખર 10,000mAhની બેટરી આપે છે કે પછી 9,000mAhની બેટરી સાથે તેને માર્કેટમાં ઉતારે છે.
