Aadhaar Email ID Update: આધાર કાર્ડમાં મોબાઇલ નંબરની જેમ Email ID પણ ઘણી સેવાઓ માટે ઉપયોગી બની શકે છે. જો તમારા આધાર સાથે Email ID જોડાયેલી નથી અથવા જૂની Email ID બદલવી છે, તો હાલમાં તમારા માટે કામની તક છે. UIDAIએ Aadhaar App મારફતે Email Address Update કરવાની ₹75 ફી 31 ડિસેમ્બર 2026 સુધી માફ કરી છે. એટલે આ સમયગાળા દરમિયાન તમે Aadhaar App દ્વારા આ સેવા માટે કોઈ ચાર્જ ચૂકવ્યા વિના Email ID અપડેટ કરી શકો છો.
Aadhaar Appથી Email ID અપડેટ કેવી રીતે કરવી?
UIDAIની સત્તાવાર માહિતી મુજબ Aadhaar App મોબાઇલ પર Aadhaar સંબંધિત વિવિધ સેવાઓ માટે ઉપયોગ કરી શકાય છે. એપમાં રજીસ્ટ્રેશન માટે Aadhaar Number દાખલ કર્યા બાદ પસંદ કરેલી SIM પસંદ કરવાની, Face Authentication કરવાની અને પછી 6 અંકનો PIN સેટ કરવાની પ્રક્રિયા છે.
સૌથી પહેલાં તમારા Android અથવા iPhoneમાં UIDAIનું official Aadhaar App ડાઉનલોડ કરો અથવા પહેલેથી ઇન્સ્ટોલ હોય તો તેનું લેટેસ્ટ વર્ઝન છે કે નહીં તે ચેક કરો. ત્યારબાદ એપ ખોલીને Aadhaar Number દ્વારા રજીસ્ટ્રેશનની પ્રક્રિયા પૂર્ણ કરો. UIDAIની પ્રક્રિયા મુજબ Face Authentication બાદ એપ માટે 6 અંકનો PIN સેટ કરવાનો રહેશે.
એપમાં રજીસ્ટ્રેશન અને વેરિફિકેશન પૂર્ણ થયા બાદ Email Address Update સંબંધિત વિકલ્પ પસંદ કરો. અહીં તમારી નવી Email ID દાખલ કરીને એપમાં બતાવવામાં આવતા વેરિફિકેશનના સ્ટેપ્સ પૂર્ણ કરો. વિગતો સબમિટ કર્યા પછી તમારી અપડેટ રિક્વેસ્ટનો સ્ટેટસ એપમાં ટ્રેક કરી શકાય છે.
Email ID અપડેટ કરાવવા માટે હાલમાં કેટલી ફી છે?
સામાન્ય રીતે આધારની અલગથી કરવામાં આવતી demographic update સર્વિસ માટે ₹75 ચાર્જ લાગુ પડે છે. Email Address પણ demographic informationમાં આવે છે. જોકે UIDAIના જૂન 2026ના ઓફિશિયલ મેમોરેન્ડમ મુજબ Aadhaar Mobile Application દ્વારા Email Address Update માટેનો ₹75 ચાર્જ 1 જુલાઈ 2026થી 31 ડિસેમ્બર 2026 સુધી સંપૂર્ણપણે માફ કરવામાં આવ્યો છે.
એટલે જો તમારે આધાર કાર્ડમાં Email ID ઉમેરવી અથવા જૂની Email ID બદલવી હોય, તો 31 ડિસેમ્બર 2026 પહેલાં Aadhaar App મારફતે આ સુવિધાનો લાભ લઈ શકો છો. આ છૂટ ખાસ Aadhaar mobile application દ્વારા Email Address update માટે જાહેર કરવામાં આવી છે. તેથી એપ ડાઉનલોડ કરતી વખતે UIDAIનું અધિકૃત Aadhaar App જ પસંદ કરવું મહત્વપૂર્ણ છે.