Indian Women's Cricket Team Captain: હરમનપ્રીત કૌરે ભારતીય મહિલા ક્રિકેટ ટીમના ત્રણેય ફોર્મેટની કપ્તાની છોડી દીધી છે. હવે તેમના સ્થાને સ્મૃતિ મંધાના, જેમિમા રોડ્રિગ્જ, દીપ્તિ શર્મા, ઋચા ઘોષ અને શેફાલી વર્મા જેવા ખેલાડી કેપ્ટન બનવાની રેસમાં સામેલ છે. જાણો કેપ્ટનશીપના દાવેદાર અને તેમની વિશેષતા શું છે.
હરમનપ્રીત કૌરે કેપ્ટનશીપ છોડવાની કરી જાહેરાત
હરમનપ્રીત કૌરે ભારતીય મહિલા ક્રિકેટ ટીમની કેપ્ટન પદથી રાજીનામું આપી દીધું છે. આજે મંગળવારે જ ત્રણેય ફોર્મેટમાં ટીમ ઈન્ડિયની કેપ્ટનશીપ છોડવાનો નિર્ણય કરતા હરમનપ્રીત કૌરે એક ઈનસ્ટાગ્રામ પર એક ભાવુક પોસ્ટ લખીને જાણકારી આપી છે કે તેઓ હવે ટીમનીકપ્તાની નહીં કરે. આ નિર્ણય બાદ હવે ટીમ ઈન્ડિયાની કમાન કોને મળશે તે મોટો સવાલ બની ગયો છે.
ત્રણેય ફોર્મેટ માટે એક જ કેપ્ટન હશે કે અલગ-અલગ?
ટીમ ઈન્ડિયાના મેનેજમેન્ટ પહેલાની જેમ ત્રણેય ફોર્મેટ માટે એક જ કેપ્ટન પર ભરોસો મૂકશે કે પછી ફોર્મેટ મુજબ અલગ-અલગ કેપ્ટન નિયુક્ત કરશે તે અંગે પણ સવાલ ઉભો થયો છે. હરમનપ્રીત કૌર પછી કેપ્ટનશીપની રેસમાં કેટલાક મુખ્ય નામ સામે આવી રહ્યા છે.
કેપ્ટનશીપની રેસમાં સામેલ મુખ્ય ખેલાડી કોણ-કોણ?
સ્મૃતિ મંધાના (Smriti Mandhana)
હરમનપ્રીત કૌરનું સ્થાન લેવાની રેસમાં જે નામ સૌથી આગળ છે તે સ્મૃતિ મંધાનાનું છે. મંધાના ટીમની ઉપ-કેપ્ટન છે અને હરમનપ્રીત કૌરની ગેરહાજરીમાં કેપ્ટન તરીકે જવાબદારી નિભાવી ચૂકી છે. તેમની પાસે સમય અને પ્રતિભા બંને છે. વુમન્સ પ્રીમિયર લીગ (WPL) માં તેઓ રોયલ ચેલેન્જર્સ બેંગલુરુની કેપ્ટનશીપ કરી ચૂક્યા છે, અને ટીમને ખિતાબ પણ અપાવી ચૂક્યા છે.
જેમિમા રોડ્રિગ્જ (Jemimah Rodrigues)
મંધાના પછી જો કોઈ નામ આવે છે તો તે જેમિમા રોડ્રિગ્સનું છે. જમણા હાથની આ બેટ્સમેન લાંબા સમયથી ટીમનો હિસ્સો છે અને લીડરશિપ ગ્રુપમાં સામેલ છે. તેમની પાસે દિલ્હી કેપિટલ્સની મહિલા ટીમની કેપ્ટનશીપ કરવાનો અનુભવ પણ છે. આથી મંધાના સિવાય ટીમ પાસે તેમનો પણ એક વિકલ્પ ઉપલબ્ધ છે.
ઋચા ઘોષ (Richa Ghosh)
ટીમ ઈન્ડિયાની વિસ્ફોટક બેટ્સમેન અને વિકેટકીપર ઋચા ઘોષ પણ એક એવું નામ છે જે કેપ્ટનશીપની રેસમાં છે. વિકેટ પાછળથી તેમની રમતની સમજની સૌએ પ્રશંસા કરી છે. તેઓ પરિપક્વ પણ છે અને લીડરશિપ ગ્રુપનો હિસ્સો પણ છે. તેમના રૂપમાં પણ ટીમ મેનેજમેન્ટ પાસે એક વિકલ્પ ઉપલબ્ધ છે.
દીપ્તિ શર્મા (Deepti Sharma)
હરમનપ્રીત કૌરની જેમ જ જો અનુભવી ખેલાડીની તલાશ હોય તો દીપ્તિ શર્મા પણ યોગ્ય વિકલ્પ છે. તેમણે ભારતીય મહિલા ક્રિકેટને આગળ વધતા જોયું છે અને તેમાં મહત્વનું યોગદાન પણ આપ્યું છે. દીપ્તિ પાસે સારો એવો અનુભવ છે. તેઓ વુમન્સ પ્રીમિયર લીગમાં યુપી વોરિયર્સની કેપ્ટન તરીકે જવાબદારી નિભાવી ચૂક્યા છે.
શેફાલી વર્મા (Shafali Verma)
જો ટીમ અલગ-અલગ ફોર્મેટમાં કપ્તાની વિશે વિચારે છે તો શેફાલી T20 માં આ જવાબદારી સંભાળી શકે છે. તેઓ લગભગ પાંચ વર્ષથી ટીમનો હિસ્સો છે અને પોતાની બેટિંગથી કમાલ બતાવી ચૂક્યા છે. ઘરઆંગણાના ક્રિકેટમાં તેમને કેપ્ટનશીપનો અનુભવ પણ છે.