વિરાટ કોહલીનો નવો વર્લ્ડ રેકોર્ડ: ODI ક્રિકેટમાં No.3 પર 13,000 રન બનાવનાર વિશ્વનો પ્રથમ બેટ્સમેન બન્યો

Virat Kohli World Record: ભારતીય ક્રિકેટ ટીમના દિગ્ગજ બેટ્સમેન વિરાટ કોહલીએ વન-ડે આંતરરાષ્ટ્રીય (ODI) ક્રિકેટમાં વધુ એક ઐતિહાસિક સવર્ણિમ સિદ્ધિ પોતાના નામે કરી છે. ન્યૂઝીલેન્ડ સામેની મેચ દરમિયાન કોહલી વન-ડે ક્રિકેટમાં નંબર-ત્રણના સ્થાને બેટિંગ કરતા 13,000 રન પૂરા કરનાર વિશ્વનો સર્વપ્રથમ બેટ્સમેન બની ગયો છે. વિશ્વ ક્રિકેટમાં અત્યાર સુધી કોઈ પણ ખેલાડી આ સ્થાને આટલા વિશાળ રન બનાવી શક્યો નથી.

કાયલ જેમિસનની ઓવરમાં લીધો ઐતિહાસિક રન

ન્યૂઝીલેન્ડ સામેની આ મહત્વપૂર્ણ મેચ પહેલા વિરાટ કોહલીને આ અદભુત સીમાચિહ્ન સુધી પહોંચવા માટે માત્ર 12 રનની જરૂર હતી. ઇનિંગ્સના 13મા બોલ પર કોહલીએ કીવી ફાસ્ટ બોલર કાયલ જેમિસનના બોલ પર એક રન લઈને આ શાનદાર વર્લ્ડ રેકોર્ડ પોતાના નામે નોંધાવ્યો હતો.

નંબર-3 પર વિરાટ કોહલીનો અદ્ભુત દબદબો

ન્યૂઝીલેન્ડ સામેની આ મેચ પહેલા, કોહલીએ નંબર-ત્રણના ક્રમે 250 ઇનિંગ્સમાં 61.55 ની શાનદાર સરેરાશથી 12,988 રન બનાવ્યા હતા, જેમાં 48 સદી અને 69 અડધી સદીનો સમાવેશ થાય છે. આ સ્થાન પર તેમનો સ્ટ્રાઈક રેટ પણ 96 ની આસપાસ રહ્યો છે.

ઓવરઓલ વન-ડે કારકિર્દીની વાત કરીએ તો, કોહલીએ 305 ઇનિંગ્સમાં 15,000થી વધુ રન બનાવ્યા છે અને 55 સદી ફટકારી છે, જે વન-ડે ક્રિકેટના ઇતિહાસમાં સૌથી વધુ સદીનો સર્વોચ્ચ રેકોર્ડ છે.

નંબર-3 ના ક્રમે સૌથી વધુ રન બનાવનાર બેટ્સમેનો

નંબર-ત્રણના ક્રમે સૌથી વધુ રન બનાવનારા બેટ્સમેનોની યાદીમાં વિરાટ કોહલી હવે ટોચ પર છે:

કોહલી અને પોન્ટિંગ સિવાય વિશ્વનો અન્ય કોઈ પણ બેટ્સમેન વન-ડેમાં No. 3 પર 10,000 રનનો આંકડો પણ પાર કરી શક્યો નથી.

મેચની સ્થિતિ: વરસાદને કારણે રમત અટકી

ન્યૂઝીલેન્ડે ભારત સામે જીતવા માટે 186 રનનો ટાર્ગેટ મૂક્યો છે. ભારતે સુકાની રોહિત શર્માની વિકેટ વહેલી ગુમાવી દીધી હતી. ત્યાર બાદ કેપ્ટન શુભમન ગિલ અને વિરાટ કોહલી વચ્ચે પચાસ રનની મહત્વપૂર્ણ ભાગીદારી નોંધાઈ હતી. અહેવાલ લખાય છે ત્યારે વરસાદના કારણે રમત અટકાવવામાં આવી છે.

ભારતનો સ્કોર 10.5 ઓવરમાં 1 વિકેટે 54 રન છે. કોહલી 27 બોલમાં 29 રન બનાવીને અણનમ છે, જ્યારે ગિલ 17 રને ક્રિઝ પર છે. જીત માટે ભારતને હજુ વધુ 132 રનની જરૂર છે.