Vijay Hazare Trophy: IPL 2026 માટે હરાજી તાજેતરમાં યોજાઈ હતી. આ હરાજીમાં 10 ટીમોએ મળીને ઘણા પૈસા ખર્ચ્યા અને સ્ટાર ખેલાડીઓને તેમની ટીમમાં સામેલ કર્યા. પરંતુ ચેન્નાઈ સુપર કિંગ્સ એક અલગ યોજના સાથે હરાજીમાં ઉતરી. તેણે યુવા ખેલાડીઓ પર ભારે બોલી લગાવી હતી જેમાં યુપીના ઓલરાઉન્ડર પ્રશાંત વીરનું નામ પણ સામેલ હતું. પ્રશાંત વીરને ચેન્નાઈ સુપર કિંગ્સે 14.2 કરોડ રૂપિયામાં ખરીદ્યો છે. આ ખેલાડીએ વિજય હજારે ટ્રોફી 2025-26ના પહેલા દિવસે લિસ્ટ Aમાં ડેબ્યૂ કર્યું હતું અને પોતાના જોરદાર પ્રદર્શનથી બધાનું ધ્યાન ખેંચ્યું હતું.
પ્રશાંત વીરે પોતાની ડેબ્યૂ મેચમાં ધૂમ મચાવી
વિજય હજારે ટ્રોફી 2025-26ના પહેલા રાઉન્ડમાં ઉત્તર પ્રદેશની ટીમ હૈદરાબાદ સામે ટકરાઈ હતી. આ મેચમાં પ્રશાંત વીર ઉત્તર પ્રદેશ તરફથી રમ્યો હતો. આ મેચમાં ઉત્તર પ્રદેશે પ્રથમ બેટિંગ કરતા 50 ઓવરમાં 5 વિકેટ ગુમાવીને 324 રન બનાવ્યા. આ દરમિયાન, પ્રશાંત વીર છઠ્ઠા નંબરે બેટિંગ કરવા આવ્યો પરંતુ તેને વધુ બોલ રમવાની તક મળી નહીં. પ્રશાંત વીરે કુલ 4 બોલનો સામનો કર્યો અને 7 રન બનાવ્યા જેમાં 1 ફોરનો સમાવેશ થાય છે.
જોકે પ્રશાંત વીરે ટાર્ગેટનો બચાવ કરતી વખતે શાનદાર બોલિંગ કરી. પ્રશાંત વીરે પોતાના 10 ઓવરના સ્પેલમાં ફક્ત 47 રન આપ્યા અને 3 વિકેટ લીધી. આ દરમિયાન તેણે એલગની વરુણ ગૌડ, પ્રજ્ઞય રેડ્ડી અને નીતિન સાઈ યાદવને પોતાના શિકાર બનાવ્યા જેના કારણે હૈદરાબાદની ટીમ 43 ઓવરમાં 240 રન બનાવીને ઓલઆઉટ થઈ ગઈ અને ઉત્તર પ્રદેશની ટીમે 84 રનથી મેચ જીતી લીધી.
Debut day ft. Prashant Veer ✅
— Chennai Super Kings (@ChennaiIPL) December 24, 2025
3/47 vs HYD ?
Couldn’t have asked for more ?#WhistlePodu #VijayHazareTrophy pic.twitter.com/4cxIRcTaL5
પ્રશાંત વીરનું T20માં પ્રદર્શન
અત્યાર સુધીની પોતાની ટૂંકી કારકિર્દીમાં 2 ફર્સ્ટ ક્લાસ અને 9 ટી20 મેચ પણ રમી છે. ટી20માં તેણે 167.16ની સ્ટ્રાઇક રેટથી 112 રન બનાવ્યા છે. જેમાં અણનમ 40 રન તેનો શ્રેષ્ઠ સ્કોર છે. આ સાથે તેણે 12 વિકેટ પણ લીધી છે. બીજી તરફ પ્રશાંત વીરે ફર્સ્ટ ક્લાસ ક્રિકેટમાં 2 વિકેટ લીધી છે અને 7 રન બનાવ્યા છે.